16.8 C
Pontevedra
Mércores, 18 de Maio de 2022
Máis
    HomeO CondadoPonteareasPonteareas cambiará a LED a iluminación pública de todo o concello

    Ponteareas cambiará a LED a iluminación pública de todo o concello

    O Goberno municipal pode acceder a este crédito debido á boa saúde financeira do Concello

    O Concello de Ponteareas continúa a por en marcha actuacións destinadas a melloras na eficiencia enerxética do municipio, que van producir un importante aforro nos gastos en enerxía do Concello. Para esta finalidade, o Goberno municipal vén de solicitar un préstamo de 1,2 millóns de euros para financiar a parte proporcional que lle corresponde ao Concello tras ter conseguido que o Instituto para la Diversificación y Ahorro de la Energía (IDAE) do Ministerio para la Transición Ecológica y el Reto Demográfico apoiase os proxectos presentados por Ponteareas.

    A principal acción desta operación consiste na renovación total do alumeado público exterior por luminarias LED, tanto da vila como das parroquias, que suporá unha mellora da seguridade veciñal grazas á súa maior visibilidade, así como un grande aforro enerxético que contribúe á redución de CO2. Ademais, as outras intervencións programadas mellorarán a eficiencia enerxética de varias dependencias municipais que prestan servizos á veciñanza, así como de varios edificios de titularidade pública, como as aulas das parroquias que integran o Colexio Rural Agrupado, o CEIP Feliciano Barrera de Guláns ou dunha instalación deportiva que conta con tantos usuarios e usuarias como o Complexo Deportivo Álvaro Pino.

    “Toda esta transformación lograrémola cun préstamo cuns xuros ínfimos, que ademais págase por si só, xa que é para financiar investimentos en melloras enerxéticas, que van supor un aforro de varios centos de miles de euros ao ano dos cartos de todas e todos”, salienta Francisco Alonso, concelleiro de Facenda.

    Alonso recalca que “solicitamos préstamos para investimentos, e se nolos conceden é precisamente por ser un concello solvente, que goza de boa saúde económica”. “Estariamos sendo irresponsables se non aproveitásemos esta oportunidade tendo todas as ferramentas nas nosas mans, aínda que tan só fora para afondar no saneamento económico do concello”, asegura o edil.

    O investimento total das actuacións a desenvolver grazas a este préstamo é de case 5,5 millóns de euros, dos cales 4,1 están subvencionados. Por outra banda, o préstamo solicitado de 1,2 millóns de euros amortizarase en 15 anos.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS