15.8 C
Pontevedra
Xoves, 20 de Xuño de 2024
Máis
    HomeO CondadoPonteareasPeche perimetral de Ponteareas dende o venres ao dispararse a incidencia da...

    Peche perimetral de Ponteareas dende o venres ao dispararse a incidencia da pandemia

    A hostalaría, ao 50% en exterior, pechará ás 18h, o comercio ás 21:30h e o toque de recollida adiántase ás 22 horas

    Tras o análise da situación da pandemia por parte do comité clínico, a Xunta de Galicia tomou a decisión de ordenar o peche perimetral en 60 concellos, entre os que se atopa Ponteareas, quedando prohibida a saída da localidade agás para desprazamentos xustificados. Deste xeito, a localidade sitúase no nivel máximo de restricións, ao contar con 88 novos casos positivos e unha incidencia acumulada ao redor de 300, segundo informou o xerente da área sanitaria esta mesma mañá á concelleira de saúde e alcaldesa en funcións, Cristina Fdez. Davila.

    Entre as medidas, que entrarán en vigor ás 00:00 horas deste venres  tras a súa publicación no Diario Oficial de Galicia, inclúese o adianto do toque de recollida ás 22 horas en todo o territorio galego e a limitación das xuntanzas públicas e privadas a grupos que non superen as catro persoas, recomendando restrinxir ao máximo calquera interacción social.

    No referente á hostalaría na localidade, a Xunta decidiu que deberá pechar ás 18 horas, sen servizo no interior e unicamente cun aforo do 50% en exterior. As agrupacións non poderán superar as catro persoas. Os comercios deberán estar pechados ás 21:30h e continúan cun aforo máximo do 50%.

    A actividade deportiva non federada limítase a grupos de catro persoas como máximo, cun aforo interior que non supere o 50%, mentres a actividade federada deberá seguir o que indican os protocolos acordados entre cada Federación e a Xunta.

    A alcaldesa en funcións, Cristina Fdez. Davila, lembra á poboación a necesidade de actuar con responsabilidade, especialmente no ámbito privado. “Aínda que se permiten as xuntanzas de persoas non conviventes en grupos de ata catro persoas, a propia Xunta recomenda que só entren en cada domicilio as persoas conviventes, evitando trasladar ás vivendas os encontros sociais que se prohiben na hostalaría”, sinalou. Fernández Davila agradeceu o diálogo constante que se mantén na actualidade entre o Concello e a Xerencia da área sanitaria, e indicou que “dende o goberno local seguiremos trasladando á poboación con total transparencia os datos que nos facilite a Xunta, como vimos facendo dende que se nos proporcionan”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.