8.6 C
Pontevedra
Venres, 21 de Xaneiro de 2022
Máis
    HomeO CondadoPonteareasO programa 'Propulsa Danza' da Xunta despediuse onte en Ponteareas

    O programa ‘Propulsa Danza’ da Xunta despediuse onte en Ponteareas

    O Castro de Troña, en Ponteareas, converteuse onte en escenario da última sesión do programa da Xunta Propulsa Danza + Paisaxe + Patrimonio, que se despide tras chegar a máis de 2000 persoas. Así, desenvolvéronse cun cheo case total os 27 espectáculos previstos en espazos singulares de toda Galicia, nos que se incluíron catro estreas. A iniciativa, enmárcase na programación cultural da Xunta para este verán que suma máis de 3.000 actividades. Foi posta en marcha como novidade este ano e percorreu a xeografía galega desde o 2 de xullo coa participación de 30 compañías, 23 delas galegas e as restantes de diversos puntos de España, Portugal e Francia, para poñer en valor a riqueza patrimonial e paisaxística a partir das artes do movemento.

    A función de peche comezou ás 19,30 horas e nela representaronse dúas pezas de compañías convidadas, con 8Km en mula, do estremeño Álvaro Murillo, e Emakumeak, da vasca NODE. Xunto a elas estiveron os espectáculos galegos de Fran Martínez, con A temperatura O temperamento, e Fran Sieira Compañía de Danza, con Coreografías dun DeMente.

    8Km en mula inspírase na obra de Federico García Lorca Bodas de sangre, baseada á súa vez nun feito real acontecido en 1928. Unha noiva foxe o día da súa voda co seu amante. O noivo ségueos e ten lugar o desenlace. Oito quilómetros son os que percorreron Paco Montes e Paquita Cañada sen poderen chegar á alba. No espectáculo, o corpo emprega o movemento para contar unha historia de amor maldito. Álvaro Murillo dirixe e interpreta esta crónica danzada da obra, unha versión flamenca da historia con música de Camarón de la Isla, José Mercé e Pata Negra.

    Pola súa banda, A temperatura O temperamento, creado e interpretado por Fran Martínez, preséntase como un acto de fe na materia da que se compón o corpo, da linguaxe que lle é propia. O espectáculo proporciónalle ao público un paseo por universos cargados de estados físicos, emotivos e enerxéticos.

    Emakumeak é unha homenaxe a todas as mulleres resilientes, unha ofrenda. Myriam Pérez Cazabon e Jone Amezaga interpretan dúas mulleres decididas e valentes, que, obrigadas a percorrer unha viaxe imposta e violentada, unidas alcanzan un final en liberdade. A dirección é de Ion Estala, a coreografía de Myriam Pérez Cazabon, e o vestiario de Clara Virgili. Aránzazu Calleja é autora da música.

    Por último, Coreografías dun DeMente é un formato reducido e de rúa do espectáculo DeMente, coas coreografías máis representativas. Nel plásmase a realidade das persoas que sofren un trastorno mental, a evolución dos tratamentos e a necesaria integración na sociedade. O autor e coreógrafo é Francisco Agustín Sieira González, coa dirección artística de Carla Diego Luque.

    Na peza bailaron Francisco Agustín Sieira González, Aida Tarrío Torrado, Adela Otero Vázquez, Daniel Rodríguez Fernández, Artur Pastoriza Puga, Martín Mondragón Rivadulla, André Adrio Rodríguez e Patricia Sánchez Seoane. A composición musical é de Cristian Silva Bóveda, mentres que o espazo sonoro o asume Isaac Millán Ledo e o vestiario, Carlos Alonso Alonso.

    Arte escénica en espazos singulares

    O obxectivo é achegarlle ao público unha nova maneira de ver a danza, mediante a mestura desta arte escénica co patrimonio e a paisaxe de diferentes espazos singulares do territorio galego, como praias, cabos, fragas, fervenzas, miradoiros, catedrais, museos, hórreos ou castros.

    Deste xeito, Propulsa Danza+Paisaxe+Patrimonio permite levar a danza a concellos onde esta disciplina artística non soe formar parte das súas programacións culturais, ao tempo que sirve de promoción turística de lugares singulares. Ademais, búscase fomentar a creación contemporánea de danza e atraer novos públicos, xunto coa creación de sinerxías coas administracións locais e os tecidos asociativos de cada zona.

    A iniciativa insírese na colaboración entre a Consellería de Cultura, Educación e Universidade e Turismo de Galicia para o desenvolvemento de diferentes propostas culturais no marco do Xacobeo 21-22.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS