13.7 C
Pontevedra
Sábado, 18 de Maio de 2024
Máis
    HomeO CondadoPonteareasO mercado municipal de Ponteareas máis preto de ser unha instalación enerxéticamente...

    O mercado municipal de Ponteareas máis preto de ser unha instalación enerxéticamente sostible

    A instalación dos paneis solares da praza de abastos –realizada por unha empresa con sede en Ponteareas– fronta a recta final

    O pasado luns comezou a instalación de paneis solares no Mercado Municipal de Ponteareas, que avanza a bo ritmo aproveitando a situación meteorolóxica favorable tras unha parada de case dúas semanas por mor da chuvia. Da nova instalación xa están colocadas as canalizacións dende a cuberta ata os inversores, que son os encargados de converter a corrente continua que xeran as placas en corrente alterna que vai ao cadro eléctrico da instalación.

    Están tamén colocados 50 dos 86 módulos totais, e agárdase rematar de montar os restantes módulos a comezos da próxima semana. Con todos os módulos colocados, só quedará rematar a conexión da instalación para a posta en marcha.

    Espérase que a instalación estea lista e operativa cara finais da vindeira semana, cando comezará a producir enerxía verde e limpa aproveitándose só da enerxía do sol, o que permitirá aforrar nas arcas públicas en torno a un 50 % na factura eléctrica do Mercado Municipal, da Escola Municipal de Música e da Biblioteca Municipal.

    Este proxecto conta co apoio do Instituto Enerxético de Galicia (INEGA) e é unha aposta do Concello de Ponteareas pola sostibilidade enerxética. A empresa galega Solarz, con sede en Ponteareas, é a encargada de desenvolver este proxecto, e ten por misión fomentar o uso de enerxías limpas e renovables para chegar a conseguir unha sociedade que se abasteza de enerxía sen emisións contaminantes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.