7.9 C
Pontevedra
Venres, 29 de Marzo de 2024
Máis
    HomeO CondadoPonteareas«Merca Nadal» de Ponteareas abre as súas este domingo

    «Merca Nadal» de Ponteareas abre as súas este domingo

    'Banastra' e a Concellería de Promoción Económica convidan a achegarse á carpa da praza Maior onde haberá propostas de agasallos, produtos de calidade e actividades de lecer para toda a familia

    O Centro Comercial Aberto ‘Banastra’ de Ponteareas abrirá as súas portas este domingo 15 de decembro, en horario ininterrompido, para que todas as familias poidan facer as súas compras de nadal sen presas. O Merca Nadal abrirá as súas portas na carpa da praza Maior de 11 h a 20 horas.

    Os establecementos de Ponteareas ofrecerán aos visitantes ducias de propostas de agasallos para o Nadal e unha ampla oferta de produtos de calidade que fan do comercio de Ponteareas, un comercio próximo e de confianza.

    A Concellería de Promoción Económica convida a toda cidadanía da área metropolitana a desfrutar do domingo en Ponteareas “onde poderá facer as súas compras, desfrutar da boa gastronomía que ofrece a hostalería local e pasar o seu tempo de lecer porque na carpa da praza Maior haberá tamén actuacións en vivo, animación infantil e sorteo de agasallos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.