7.6 C
Pontevedra
Venres, 29 de Marzo de 2024
Máis
    HomeO CondadoPonteareasÉxito absoluto da Feira Tradicional dos Remedios no seu regreso tras os...

    Éxito absoluto da Feira Tradicional dos Remedios no seu regreso tras os dous anos de pandemia

    A feira tivo unha grande afluencia de público atraído pola maxia de volver á vida cotiá do século XX e pola morea de actividades programadas.

    Éxito rotundo no regreso de Ponteareas ao século XX. A Feira Tradicional dos Remedios volveu á vila despois de dous anos de parón pola situación sanitaria e fíxoo cunha grande afluencia de público, participantes de todas as idades que percorreron as rúas do centro urbano para revivir por unhas horas como era a vida cotiá hai un século.

    “É un orgullo ver a gran resposta a esta nova edición de feira, na que podemos ver desfrutando a ponteareás e ponteareáns, pero tamén a moitos veciños e veciñas de fóra da nosa vila”, destaca a alcaldesa, Cristina Fernández Davila. Unha grande acollida que se traduce “nunha importante dinamización social e comercial das rúas de Ponteareas que podemos ver hoxe aquí na Feira Tradicional dos Remedios e que nos acompañará durante todas as Festas de Setembro”.

    Por unhas horas, a Praza de Bugallal, o parque da Feira Vella e as rúas da contorna convertéronse nun escenario doutro século cheo de vida, música e actividades para todos os públicos. Ademais do mercado tradicional con numerosos postos de artesanía e alimentación, o público puido gozar das actuacións musicais dos grupos participantes no XXXV Festival Folclórico do Condado, que encheron de música cada recuncho da feira. Animación, recreacións teatralizadas e representación de oficios tradicionais foron outros dos grandes protagonistas das xornadas. A novidade desta edición, un grande espazo gastronómico na Praza Bugallal, desbordou todas as expectativas e estivo ateigado por centos de persoas durante as horas centrais da Feira. Polbo, churrasco, hamburguesas de porco celta, pan, viño, cervexa artesá ou diversos doces foron as delicias que puideron gozar as persoas asistentes.

    Grande asistencia de público tamén na mostra de gando de razas autóctonas de vacas, galiñas e porcos, que volveu ao parque da Feira Vella con máis ganas, animación e éxito que nunca. Ao longo da mañá e da tarde foron moitos os participantes na feira que non quixeron perderse os concursos de cabalos de pura raza do país e de cans de palleiro.

    A rexedora agradece a todo o público a súa participación, implicación e respecto na celebración desta nova edición da Feira Tradicional dos Remedios e convida a toda a veciñanza a seguir desfrutando durante todo o mes coa ampla programación cultural, deportiva e social deseñada para celebrar as Festas de Setembro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.