17.7 C
Pontevedra
Xoves, 23 de Maio de 2024
Máis
    HomeO CondadoPonteareasEn Ponteareas gozar da exposición do mestre Castelao ten premio

    En Ponteareas gozar da exposición do mestre Castelao ten premio

    A mostra estará dispoñible ata o 7 de febreiro en edificios institucionais e nuns 40 establecementos comerciais

    Ponteareas rende estes días homenaxe ao escritor, ilustrador e pensador Alfonso Daniel Rodríguez Castelao co gallo do seu aniversario dando visibilidade á parte da súa obra. Ata o vindeiro 7 de febreiro seis edificios municipais e máis de 40 establecementos comerciais da vila acollen unha exposición de láminas das Cousas de Castelao coas que o público poderá gozar da obra deste intelectual comprometido, narrador, ensaísta, dramaturgo, debuxante e político que chegou a ser a figura máis importante da cultura galega do século XX.

    Os ponteareáns e ponteareás poderán gozar das láminas no Concello, na biblioteca municipal, no conservatorio, no auditorio, en Servizos Sociais e na residencia Santa Ana. Pero ademais poderán descubrir a Castelao coas 42 láminas repartidas polo comercio local e conseguir un premio. Con cada compra os establecementos repartirán rascas que poden resultar premiados cunha camiseta ilustrada cunha Cousa de Castelao. Os agasallos recolleranse na biblioteca municipal.

    Dende o Concello agradécese a colaboración de todos os establecementos implicados, que tamén repartirán entre o público folletos explicativos da obra de Castelao. Nesta ocasión participan na iniciativa AdobiArte, Agrícola Comercial Carrera, Anova Cociña, Atlanticolor, Asesoría Carballido,  Audífonos Escoita Ponteareas, Auto Recambios Tea, Boinscon Ponteareas, Casal Cocinas, Castroteco , Centro de Fisioterapia Andrea Vila, Clos Zapatería, Coketas peluquería y belleza, Cuña y Caeiro, D’Anna Moda, Dandara Ponteareas, El Escondite de Montse, Elena Pérez Vestuario Laboral, Énchete, Farmacia Ferreira, Fiatc Seguros, Lambonadas, Librería Casa Pepe – Oficap, Librería Ledo, Librería Milfollas, Lourocor, Maripili, Mas-1, Melfran, Mundo Agro, Noelia Uñas y Belleza Ponteareas, Óptica Alemana, Otero Peluqueros, Peluquería 3M, Pipilota Ponteareas, Querubín, Segurtea, Señorita Rocuca, Simaq, SML Ponteareas, Sueños de Bolboretas e Thatiss Peluquerías.

    A Concellaría de Cultura que dirixe Fernando Groba convida a toda a veciñanza a gozar desta orixinal exposición, así como das diferentes actividades que se realizarán en Ponteareas en homenaxe a Castelao. O vindeiro venres 28 de xaneiro (18.00 h) o ilustrador afincado en Ponteareas Pablo Prado impartirá un obradoiro de iniciación ao humor gráfico galego aberto a público a partir de 11 anos, mentres que o domingo 30 haberá unha ofrenda floral ás 12.00 h na Avenida Castelao acompañada polo grupo de gaitas Naima.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.