22.5 C
Pontevedra
Luns, 15 de Abril de 2024
Máis
    HomeO CondadoPonteareasDez deportistas representarán a Ponteareas nos Xogos do Eixo Atlántico que se...

    Dez deportistas representarán a Ponteareas nos Xogos do Eixo Atlántico que se celebrarán en Maia

    A cita reunirá a máis de 2400 participantes. O concelleiro de Deportes despediu hoxe á delegación, composta por nadadoras e nadadores do CN Ponteareas

    Ponteareas contará con representación na nos XIV Xogos do Eixo Atlántico, que se celebrará durante toda esta semana na cidade portuguesa de Maia. Dende este mesmo luns ata o vindeiro 8 de xullo, máis de 2400 participantes reuniranse para disputar este evento deportivo transfronteirizo que retoma a normalidade tras a pandemia.

    A delegación ponteareá, composta por dez nadadores e nadadoras do CN Ponteareas acompañados de técnicos, participarán este luns na xornada inaugural desta edición e competirán este martes 5 nas categorías de natación e natación adaptada. Como é habitual nesta cita, esta edición integra modalidades de deporte adaptado que contarán coa participación de 200 persoas e coas que se busca eliminar barreiras e fomentar a participación deportiva de toda a mocidade.

    O concelleiro de Deportes, Miguel Bouzó, despediu onte ao grupo de participantes ponteareáns, aos que lles desexou “moita sorte durante a competición”, pero tamén que “gozaran dos bos momentos deportivos que van experimentar e da convivencia con outras e outros deportistas dos municipios galegos e lusos que integran o Eixo Atlántico”.

    Con récord de participación, nesta nova edición estarán representadas 28 cidades do Eixo Atlántico: ademais de Ponteareas, competirán deportistas de Lugo, Ourense, Carballo, O Barco de Valdeorras, Pontevedra, Monforte de Lemos, Vilagarcía de Arousa, A Coruña, Sarria, Santiago de Compostela, Vigo, Maia, Matosinhos, Gondomar, Bragança, Famalicão, Vila Nova de Gaia, Vila Real, Peso da Régua, Valongo, Braga, Barcelos, Viana do Castelo, Santa María da Feira, Amarante, Guimarães e Póvoa do Varzim.

    Dende a súa orixe en 1995, con esta competición o Eixo Atlántico procura promocionar o deporte, a convivencia entre a mocidade e, tamén, un mellor coñecemento entre a cidadanía das dúas rexións. Os Xogos organízanse cada dous anos e constitúen un evento deportivo transfronteirizo único en Europa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.