16.6 C
Pontevedra
Venres, 14 de Xuño de 2024
Máis
    HomeO CondadoPonteareasA Banda de Música Xuvenil de Xinzo ofrece un concerto de primavera

    A Banda de Música Xuvenil de Xinzo ofrece un concerto de primavera

    Este sábado, 18 de marzo, a Banda de Música Xuvenil de Xinzo celebra o Concerto de Primavera, unha cita da agrupación musical que xa se converteu en habitual. O concerto terá lugar no auditorio do Centro Cultural da parroquia ás 19:00 h e de novo este ano será un encontro moi especial.

    O ano pasado, a singularidade deste concerto marcouna a participación do cuarteto de saxofones Dextrum Ensemble, mentres que nesta ocasión farao a intervención de dous directores diferentes á fronte da banda. Así pois, o deste sábado será un concerto de despedida ao que ata hai uns meses era o director da agrupación, Javier Blanco, ao mesmo tempo que unha benvida oficial ao actual, Rodrigo Iglesias.

    O Concerto de Primavera da Banda de Xinzo dividirase en dúas partes. Baixo a dirección de Javier Blanco, os músicos interpretarán obras da embergadura de Suspiros de España, de Antonio Álvarez, ou The Hounds of Spring, de Alfred Reed. E a parte dirixida por Rodrigo Iglesias compoñerase de pasodobres como Rapsodia Galega nº1, de Enrique García, e Caballería Ligera, de Franz von Suppé.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.