32.5 C
Pontevedra
Luns, 22 de Xullo de 2024
Máis
    HomeO CondadoAs NevesMirador de San Nomedio nas Neves, un balcón ao Condado

    Mirador de San Nomedio nas Neves, un balcón ao Condado

    O mirador, situado na parroquia de Taboexa, ofrece unha espectacular vista de grande parte da comarca do Condado

    O Xeodestino Condado Paradanta, dependente do Grupo de Desenvolvemento Rural (GDR) Condado Paradanta, está a potenciar o proxecto dunha rede de miradoiros nos concellos que forman parte do mesmo, financiados, nunha grande porcentaxe con fondos procedentes da Xunta de Galicia.

    Este proxecto, que ten un orzamento de máis de 37.000 €, contempla un miradoiro de iguais características en cada vila e, no caso de As Neves, será no monte San Nomedio, na parroquia de Taboexa.

    Alí estase a rematar unha construción en forma de tubo que servirá de guía para mirar ao leste, cara ao nacemento do sol –o amencer– e ao oeste –o solpor–ofrecendo unha vista panorámica de boa parte das Neves.

    A outra parte do deseño abrangue a instalación do observatorio nocturno, mediante unha serie de pezas en forma de circunferencia que serven para sentarse e observar o ceo e as estrelas

    O miradoiro de San Nomedio atópase a 694 metros de altitude nun monte de grande pendente, pertencente a los montes da Paradanta, aberta a impresionantes vistas sobre o val do Termes e do Xuliana, ademais do Miño, xa máis lonxe, abarcando, xunto a parte das Neves, o norte de Portugal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.