16.5 C
Pontevedra
Xoves, 20 de Xuño de 2024
Máis
    HomeO CondadoAs NevesLuisa Piñeiro clausurou o obradoiro de panadaría e bolería da Asociación A...

    Luisa Piñeiro clausurou o obradoiro de panadaría e bolería da Asociación A Cancela das Neves

    Este obradoiro formou a 13 persoas desempregadas durante un ano, cun total de 550 horas lectivas, os participantes aproveitaron a experiencia para adentrarse no mercado laboral

    A delegada territorial da Xunta en Pontevedra, Luisa Piñeiro, asistiu esta tarde ao acto de clausura do obradoiro de panadería e bolería da Asociación EFA A Cancela, que formou a 13 persoas desempregadas durante o último ano e que obtiveron o correspondente certificado de profesionalidade para favorecer a súa posterior inserción laboral.

    A representante autonómica, que estivo acompañada da presidenta desta asociación das Neves, María del Carmen Gil, e doutros representantes, agradeceu o esforzo do colectivo para apostar “pola formación e a mellora das condicións de empregabilidade das persoas desocupadas da bisbarra do Condado” e tamén animou aos participantes a aproveitar este ano de experiencia e o coñecemento destes oficios para adentrarse no mercado de traballo.

    “Trátase dun curso moi importante pola súa elevada carga lectiva, posto que as 550 horas formativas servíronvos para coñecer como facer este traballo, e ademais davos dereitos a un certificado de profesionalidade, que é fundamental para ter máis oportunidades de atopar un emprego, unha cuestión fundamental para a Xunta de Galicia, xa que estamos a apostar pola reactivación económica no marco desta crise sanitaria”, sinalou Luisa Piñeiro.

    Este obradoiro contou cunha subvención de 46.211€ ao abeiro do procedemento de accións formativas dirixidas prioritariamente a persoas desempregadas e ademais desenvólvese nun moderno obrador de panadería da Asociación EFA A Cancela que está concertado coa Consellería de Educación para a impartición de ciclos de panadería.

    O curso, que comezou o pasado mes de decembro, prolongouse finalmente durante un ano, xa que estivo paralizado durante tres meses e medio polo estado de alarma a causa da covid-19, pero finalmente decidiuse rematalo coa aplicación de protocolos sanitarios para impartir os módulos de elaboracións básicas de panadería e bolería, decoración e envasado, seguridade e hixiene e unha formación complementaria de inserción, sensibilización medioambiental e igualdade de xénero.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.