24.3 C
Pontevedra
Sábado, 21 de Maio de 2022
Máis
    HomeO CondadoAs NevesA Xunta formaliza a adxudicación de 3 parcelas na Plisan

    A Xunta formaliza a adxudicación de 3 parcelas na Plisan

    Ata o de agora foron adxudicados xa 214.000 m2 por un importe global de 11,23 M€

    A Xunta de Galicia acaba de formalizar a adxudicación de 3 parcelas cunha superficie de preto de 44.000 metros cadrados na Plataforma loxística e industrial de Salvaterra-As Neves (Plisan). A xefa da área provincial do Instituto Galego da Vivenda e Solo en Pontevedra (IGVS), María Martínez, asinou esta mañá as escrituras correspondentes xunto aos representantes das dúas empresas adxudicatarias: Frinsa e Gainser.

    Despois das últimas adxudicacións, a superficie total dispoñible nesta gran área industrial ascende a máis de 134.000 m2 urbanizados e repartidos entre 31 parcelas, que se poden adquirir en réxime de compravenda ou en dereito de superficie, neste segundo caso, a cambio dun canon anual moi reducido.

    En concreto, a conserveira galega Frinsa vén de comprar, en adxudicación directa e por un importe de 2,63 millóns de euros, as parcelas LE 5.1 e LE 5.9, contiguas entre si e que ocupan unha superficie de 40.921,85 m2.

    Pola súa banda, Gainser, dedicada ao estudo, deseño, instalación e servizo posvenda de infraestruturas de equipos de bombeo e tratamento de auga para abastecemento, saneamento e depuración, fíxose coa parcela LE 4.4 en réxime de dereito de superficie.

    Cun tamaño de 2.641,56 m2 e localizada ao carón de BETA Implants, o prezo de remate da operación é de 189.426,31 euros. Neste caso, a firma ten previsto construír unha nave de 800 m2 que destinará a almacén.

    O investimento total previsto entre ambas empresas para levar a cabo os seus respectivos proxectos na Plisan suma preto de 8 millóns de euros —incluído o custo de adquisición dos terreos por parte de Frinsa— e implicará a creación de 25 postos de traballo no caso da conserveira e de 6 máis no de Gainser.

    Estas dúas novas adxudicacións en Salvaterra-As Neves súmanse aos 68.180,67 m2 asignados xa anteriormente á conserveira Albo e á empresa do sector tecnolóxico BETA Implants, pertencente ao grupo Arbinova.

    Así mesmo, o mes pasado tamén se anunciou a próxima adxudicación a Lonza Biologics Porriño S.L de 4 parcelas cun total de case 102.000 m2, o que suporá a maior superficie de solo asignada ata o momento nesta área empresarial dos sur de Galicia.

    Deste xeito, confírmase o bo momento da Plisan e o efecto chamada que está a ter nas empresas, tal e como demostra o feito de que só desde o mes de marzo tres novas firmas decidiran implantarse neste ámbito. Así, a superficie total adxudicada ata o de agora ascende a 214.000 m2, cun prezo global de adquisición de 11,23 millóns de euros.

    Cómpre lembrar que os promotores da Plisan son a Xunta, a Autoridade Portuaria de Vigo e o Consorcio da Zona Franca de Vigo, e que o investimento previsto neste ámbito, unha vez rematen as actuacións actualmente en marcha, ascenderá xa a preto de 235 millóns de euros.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS