test
11.8 C
Pontevedra
Martes, 28 de Maio de 2024
Máis
    HomeLouriñaSalceda de CaselasSalceda estudia a posibilidade de solicitar a declaración de "zona catastrófica"

    Salceda estudia a posibilidade de solicitar a declaración de “zona catastrófica”

    O Concello atendeu numerosas incidencias nestes últimos días

    Salceda de Caselas estudia a posibilidade de solicitar a declaración de zona catastrófica por parte da Xunta de Galicia e o Consello de Ministros ante os danos producidos pola incesante acumulación de precipitacións destes últimos días, que provocaron numerosas incidencias en todas as parroquias do municipio.

    Dende o Concello realizouse unha primeira avaliación dos danos que se produciron. As inundacións afectaron a diferentes lugares de todo o termo municipal, producíndose derrubes, danos en vías e camiños, na rede de alumeado público, redes de telecomunicacións, instalacións municipais, ademais de  inundacións en baixos de vivendas unifamiliares e de edificios comunitarios.

    Víronse afectadas  especialmente as sendas polo desbordamento dos ríos Landres e Caselas, con numerosos danos.

    A zona máis afectada foi a zona industrial de O Cerquido, que estivo anegada de auga durante toda a xornada, podendo restablecerse o tráfico na estrada N550  a primeira hora da mañá de hoxe. Numerosas empresas resultaron afectadas mirándose, algunhas delas, obrigadas a paralizar a súa actividade.

    A alcaldesa Verónica Tourón sinalou que nestes momentos é importante atender ás urxencias provocadas polos danos ocasionados ante as persistentes choivas ao mesmo tempo, que  avaliar os danos e estudar distintas posibilidades, como a de solicitude de declaración de zona afectada gravemente por unha emerxencia de protección civil.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.