21.5 C
Pontevedra
Venres, 19 de Abril de 2024
Máis
    HomeLouriñaSalceda de CaselasO consello veciñal de Salceda avanza coa constitución da mesa sectorial de...

    O consello veciñal de Salceda avanza coa constitución da mesa sectorial de Educación, Mocidade, Infancia e Saúde e o consello do Deporte

    O pasado xoves 7 de abril celebrouse a primeira mesa sectorial de Educación, Mocidade, Infancia e Saúde e o primeiro consello do Deporte aos que acudiron as asociacións, colectivos e clubs dos respectivos eidos. Estas reunións estiveron presididas e moderadas por Verónica Tourón Alcaldesa e Concelleira de Participación Veciñal, acompañada de concelleiros e concelleiras do equipo de goberno.

    Os acordos adoitados por unanimidade na mesa sectorial de Educación, Mocidade, Infancia e Saúde foron a reclamación á Consellería de Sanidade para a dotación dunha praza de pediatría máis para o Centro de Saúde de Salceda e a solicitude dunha reunión na Consellería de Educación para reclamar un novo colexio de educación primaria. Igualmente acordouse que a través da Alcaldesa, como representante do concello no GDR Condado Paradanta, se solicite o apoio para reclamar de xeito conxunto a posta en marcha do Plan de Mobilidade e Transporte alternativo que se elaborou dende este organismo comarcal como alternativa ao Plan de Transporte Metropolitano da Xunta de Galicia, xa que recolle mellor as necesidades territoriais de transporte da veciñanza dos concellos membros.

    Por outra banda os acordos adoitados na mesa do Deporte incidiron na necesidade xeral de traballar conxuntamente as entidades deportivas e o concello para acadar o maior aproveitamento das instalacións deportivas existentes e abrir vías de colaboración coas diferentes administracións públicas para reclamar melloras e inversións nas dotacións deportivas municipais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.