12.5 C
Pontevedra
Domingo, 29 de Xaneiro de 2023
Máis
    HomeLouriñaSalceda de Caselas'Entroideiro ou besta', o Entroido de Salceda di "non" ás agresións sexuais

    ‘Entroideiro ou besta’, o Entroido de Salceda di “non” ás agresións sexuais

    O Concello de Salceda, xunto coas asociacións de A Feira e Castro Barreiro, veñen de presentar a campaña ‘Entroideiro ou besta’, coa que queren poñer o foco de atención nas agresións sexuais e os ataques a mulleres, conscientes de que o anonimato agochado detrás dunha máscara na festa do Entroido, pode carrexar situacións de risco para as mulleres.

    Salceda acolle, esta fin de semana, a que sen dúbida é a súa festa máis representativa, a do Entroido, que leva máis de 130 anos enfrontando aos barrios de Castro Barreiro e A Feira. O que eran festas parroquiais, co paso do tempo, transformáronse en grandes eventos que congregan a multitude de persoas chegadas de toda a bisbarra.

    Con esta iniciativa, sinala a alcaldesa de Salceda e responsable da área de Igualdade, Loli Castiñeira, o Goberno local “segue a implantar novas medidas do plan de igualdade aprobado en novembro de 2019”.

    Cómpre lembrar que non é a primeira vez que este ambiente de festa é aproveitado por suxeitos parapetados detrás dunha máscara que aproveitando as aglomeracións se dedican a cometer actos moitas veces de acoso e mesmo violencia contra as mulleres.

    Concello e asociacións pretenden, deste xeito, concienciar na convivencia e no respecto, de xeito que o entroido de Salceda siga a ser coñecido por unha única loita: a dos barrios da Feira e de Castro Barreiro. Baixo o lema ‘O meu NON é o teu NON’, os cartaces da campaña estarán presentes polos torreiros de festas dos dous barrios, así como no camiño que os une, no que se aglutinan os desplazamentos dos centos de persoas que circulan entre ámbolos dous torreiros.

    Loli Castiñeira, reafirmaba o compromiso do Goberno local “coa igualdade e coa liberdade das mulleres”, compromiso que se plasma en campañas coma esta, “que non serían posibles sen o compromiso das diferentes asociacións, neste caso vinculadas ao Entroido”, remata a rexedora local.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS