16 C
Pontevedra
Martes, 21 de Maio de 2024
Máis
    HomeLouriñaO PorriñoOs escolares do Porriño surfean 'a súa primeira onda' na praia de...

    Os escolares do Porriño surfean ‘a súa primeira onda’ na praia de Patos

    178 alumnos/as dos centros educativos do municipio viven estes días o seu Bautismo de Surf organizado polo Concello do Porriño

    Desde o pasado luns, o alumnado de 5º e 6º de Educación Primaria dos centros educativos do Porriño están a disfrutar das actividades do programa Bautismo de Surf, organizado polo Concello do Porriño a través da Concellería de Educación e a OMIX.

    Repartidos en distintos grupos, os estudantes do CEIP Antonio Palacios, CPR Santo Tomás, CEIP Budiño, CEIP Xoxé Fernández López, CPR Hermanos Quiroga e CEIP da Ribeira, viven esta experiencia que ten por obxectivo promocionar o deporte e as actividades na natureza para ocupar o tempo libre, como alternativa saúdable ás as pantallas.

    “Practicar actividade física leva consigo múltiples beneficios e recoméndase facelo en todas as idades. En concreto, nesta etapa e con este programa pretendemos que as persoas participantes reflexionen sobre a forma que teñen de ocupar o seu tempo libre, valoren a importancia que ten o lecer para o seu desenvolvemento persoal e social, e sexan conscientes das alternativas das que dispoñen”, sinala Carolina González, concelleira de Educación do Porriño.

    O alcalde do Porriño, Alejandro Lorenzo, salienta que “desde o Concello apoiamos este tipo de actividades que axudan a traballar a tolerancia e cooperación entre a rapazada, fomentando o deporte e a diversión. E que mellor escenario que a Praia de Patos, para que descubran o surf e o poidan seguir practicando durante todo o ano”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.