7.6 C
Pontevedra
Venres, 29 de Marzo de 2024
Máis
    HomeLouriñaO PorriñoO Porriño asegura que a empresa encargadas das rozas "realízanse axeitadamente"

    O Porriño asegura que a empresa encargadas das rozas “realízanse axeitadamente”

    O Goberno Municipal de Porriño asegurou hoxe que “dispón de informes técnicos” que acreditan que a empresa Ascan, concesionaria do servizo, “está a realizar axeitadamente as tarefas de rozados que o Concello contratou con esa firma”. O Goberno local baséase nos informes –requiridos pola Alcaldía– de dous técnicos municipais, “o encargado de obras e o enxeñeiro”.

    Un dos motivos era o persoal disposto por Ascan para acometer as rozas, especialmente durante os meses de maio e xuño cando houbo moitas chamadas de veciños indicando incidencias. Os informes certifican que “cumpriuse co número de traballadores que eran 10 por lote” e que “o reparto das zonas de traballo acordabase entre o responsable da empresa e o encargado municipal”.

    “As variacións de persoal que se produciron debíanse a que no momento do inicio do servizo a situación das estradas era bastante mala xa que estábamos en plena primavera, polo que as chamadas dos administrados indicando incidencias existentes era moi elevada, e os operarios da empresa Ascan dividíanse en parellas ou de forma unipersoal para realizar tarefas que urxían” sinala o Concello porriñés.

    No que atinxe á maquinaria empregada por Ascan, os informes certifican que estivo a utilizar a súa propia, “agás cando un dos tractores averiouse nun par de ocasións polo que se lles cedeu un tractor municipal que estaba fora de servizo e que eles arranxaron”.

    O goberno local sae así ao paso das acusacións do Partido Popular do Porriño que pedía a rescisión do contrato con Ascan polo que consideraban “reiterados incumprimentos e irregularidades da empresa”.

    Presuntas irregularidades

    As presuntas irregularidades nas que, segundo os populares porriñeses, están incurrindo tanto a empresa como o Concello para adxudicar estes traballos “son de extrema gravidade”, apunta o voceiro Alejandro Lorenzo.

    O edil fai referencia deste xeito á situación do persoal da empresa que presta servizos ao Concello. “Nos seus contratos figura como centro de traballo Sanxenxo e o convenio colectivo que se contempla é o do Concello de Tui”, explica Lorenzo, “A situación é dantesca e supón un claro perxuizo para estes traballadores, podendo perxudicalos en termos salariais. Ademais tivemos coñecemento de que, a día de hoxe , continúan sen cobrar a nómina do mes de xullo”.

    Ademais, este persoal está a realizar os traballos de limpeza viaria os fins de semana e festivos, sen que estes figuren no seu contrato. Salientar neste punto, que a propia empresa se comprometera para obter a concesión do servizo, a contratar a estes traballadores entre persoas en situación de desemprego para prestar o servizo de desbroce de camiños, compromiso que non cumpriu pois estes traballadores estaban contratados con anterioridade á adxudicación.

    Os puntos referidos por Lorenzo “supoñen un claro incumprimento do contrato por parte da empresa”, tal e como contempla a Ley de Contratación Pública. Con tal motivo, e a fin de defender os dereitos destes traballadores e os intereses do Concello do Porriño, os populares solicitarán ao Secretario Municipal que se dea conta á Inspección de Traballo desta situación e se revise a concesión que o goberno municipal pretende formalizar.

    Do mesmo xeito apuntan os populares “á arbitrariedade coa que o executivo socialista continúa a decidir que empresas cobran polos seus traballos no Porriño e cales non”.

    “Ante as irregularidades na facturación desta empresa, a Intervención Municipal leva emitindo os correspondentes informes desfavorables de reparo”, conclúe Lorenzo, “Mentres moitos provedores e empresas continúan sen cobrar, a alcaldesa accidental non dubida en asinar decretos de levantamento de reparo para pagar a esta empresa”. Concretamente, Alejandro Lorenzo asegura que o pasado 13 de agosto “levantou reparos e ordenou o pago de 44.189, 64 euros”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.