21.5 C
Pontevedra
Venres, 19 de Abril de 2024
Máis
    HomeLouriñaO PorriñoO Porriño acolle esta fin de semana unha nova edición de «Merca...

    O Porriño acolle esta fin de semana unha nova edición de «Merca na rúa»

    A feira de oportunidades, organizada por Acipor en colaboración co Concello do Porriño, desenvolverase o sábado 10 e domingo 11 de setembro na rúa peonil

    O Porriño acolle esta fin de semana a XXVI edición da feira de oportunidades ‘Merca na rúa’, que como sempre se desenvolverá na zona peonil do centro urbano da vila. Participarán máis de vinte stands con ofertas nunha ampla de produtos e sectores. Roupa, calzado, óptica, mercería ou accesorios son algún dos artigos nos que poderedes conseguir descontos desde 60 % ata o 70 %.

    O evento, organizado pola Asociación de Comerciantes e Industriais do Porriño (Acipor) en colaboración co Concello do Porriño, terá lugar o sábado 10 en horario ininterrumpido de 10 h a 21 h e o domingo 11 de 11 h a 20 h.

    Ademais, para facilitar as compras ás familias, haberá inchables para os máis pequenos e unha visita moi especial, a dos Bolechas que estarán no Merca na Rúa o sábado pola tarde a partir das 17:30 h.

    Esta edición garda unha sorpresa moi especial, a que nos ten preparada a pequena pianista Dasha, que ofrecerá un concerto o sábado a partir das 19:30 h na praza Arquitecto Antonio Palacios.

    O domingo pola tarde, a partir das 17 h Merca na rúa recibirá a visita das persoaxes máis famosas de Disney e pechará a programación un concerto a partir das 20 h.

    O alcalde, Alejandro Lorenzo, convidou a toda a veciñanza “a encher as rúas unha vez máis e disfrutar da vila mentres se benefician dos mellores descontos, á vez que contribúen a dar pulo ao noso comercio local”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.