17.7 C
Pontevedra
Xoves, 23 de Maio de 2024
Máis
    HomeLouriñaO PorriñoO BNG do Porriño considera "innecesarios" vehículos de alta gama para servizos...

    O BNG do Porriño considera “innecesarios” vehículos de alta gama para servizos municipais

    O BNG do Porriño, que considera que o parque de vehículos dos servizos municipais de obras, xardinería e mantemento “precisaba dunha renovación” puntualiza que os prezos e as necesidades marcadas polo Concello na redacción dos pregos de condicións, “son superiores ás verdadeiramente necesarias” o que “dá lugar a que as empresas oferten unhas melloras en alta gama e potencia dos vehículos que para nada necesita o Concello do Porriño”.

    Os nacionalistas, á vista dos expedientes e coincidindo en moitos aspectos como a necesidade do cambio e o sistema de renting, consideran “innecesario o número de vehículos e as características de algún dos mesmos, algunhas de media ou alta gama, que fixeron que o prezo fose máis elevado”. O BNG explica que existen no mercado “vehículos máis axeitados e máis económicos que cubrirían as necesidades dos servizos municipais”.

    Consideran “fundamental” que dende o Concello se revise a redacción dos pregos de condicións á hora de levar adiante licitacións coma esta e “se marquen e axusten nestes as verdadeiras necesidades dos servizos municipais”. O portavoz municipal nacionalista, Pedro Pereira é claro ao asegurar que “o BNG entende que as prioridades do Concello son outras, como atender mellor as necesidades sociais que demanda a veciñanza”.

    O BNG tamén considera que o goberno municipal, ou o tribunal constituído para o procedemento de licitación, “non podía aceptar como técnico de valoración das ofertas o xefe da policía local, e pola contra debería ter contado cun técnico industrial independente”.

    Dende a organización nacionalista solicitan do goberno municipal a revisión do contrato, dentro das vías de revisión contempladas nos pregos de condicións.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.