18.7 C
Pontevedra
Luns, 24 de Xuño de 2024
Máis
    HomeLouriñaO PorriñoDetida unha persoa en Atios por un presunto delito de violencia machista

    Detida unha persoa en Atios por un presunto delito de violencia machista

    A Policía Local do Porriño detivo a un home de 50 anos logo de que, presuntamente, agredira á súa dona e ao seu neto de 6 anos, feridos de diversa consideración

    A Policía Local do Porriño detivo, esta pasada noite a un veciño de Atios, A.G.F., de 58 anos de idade, como presunto autor dun delito de violencia de xénero. As vítimas son a súa esposa, unha muller de 52 anos e o seu neto de 6 anos, ambos feridos de diversa consideración.

    Os feitos aconteceron na vivenda nº 36 en el barrio de A Pontenova, en Atios, ao recibir a Policía Local un aviso do 112 Galicia ás 2,15 horas da mañanciña. Nesa chamada dábase conta que unha muller e un neno denunciaran ter sido agredidos polo marido dela e que estaban na rúa agardando a chegada dunha ambulancia.

    Cando chegou a patrulla, a ambulancia xa recollera ós feridos. Os axentes falaron co home que recoñeceu que tivo unha pelexa coa súa muller, comprobando os efectivos da Policía Local a existencia de manchas de sangue na habitación onde se produxo a discusión e atoparon, debaixo da cama, un coitelo de cociña con sangue polo que procederon a detención de A.G.F.

    No que atinxe ós feridos a muller, que presentaba varios cortes en brazos e mans, foi trasladada ao Hospìtal Alvaro Cunqueiro, pendente de intervención cirúrxica. Tamén o neno foi trasladado ao centro hospitalario vigués con lesións nunha man e pendente de recibir atención psicolóxica xa que estaba presente na habitación onde transcurriron os feitos, segundo as pesquisas realizadas pola a Policía Local.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.