18.7 C
Pontevedra
Luns, 24 de Xuño de 2024
Máis
    HomeLouriñaO PorriñoA Xunta licitará a ampliación do Centro de Saúde do Porriño

    A Xunta licitará a ampliación do Centro de Saúde do Porriño

    A Consellería de Sanidade licitará nos próximos días o proxecto básico de execución para a ampliación do Centro de Saúde do Porriño. Así llo confirmou o titular da carteira sanitaria, Jesús Vázquez Almuíña, ao voceiro dos populares porriñeses, Alejandro Lorenzo.

    Sendo coñecedor de que a Xunta remitiu xa en febreiro a documentación para asinar o convenio de cooperación entre o Servizo Galego de Saúde e o Concello do Porriño para a execución destas obras, Lorenzo mantivo esta semana unha reunión co Conselleiro de Sanidade para interesarse polos avances do proxecto de mellora das instalacións sanitarias do municipio.

    “O pasado mes de febreiro a Xunta de Galicia solicitou ao Concello do Porriño a formalización do convenio, sen obter resposta de Eva García que non só non o tramitou nin formalizou, senon que non o fixo público nin deu conta ao resto dos grupos”, lamentou o edil, “Mentres ocultaba á veciñanza que o proxecto para a ampliación estaba a expensas de que ela cumprira coa súa parte, centraba a súa campaña en cargar contra a Xunta para reclamar o inicio do proxecto. É unha mágoa que tente sacar rédito político dun tema que nos afecta a todos e todas por igual e no que debemos ir da man”.

    Lorenzo amosouse satisfeito cos avances no procedemento de cara a dar resposta a unha demanda histórica do municipio. “A ampliación das nosas instalacións sanitarias é algo polo que vimos traballando anos, unha xustificada demanda que agardamos se vexa resolta definitivamente.”, explicou Lorenzo.

    O vindeiro ano será cando, en base aos prazos marcados no procedemento, se prevé o inicio das obras. Unha vez completada licitación da elaboración proxecto básico de execución, que estará finalizado a finais de ano, procederase á licitación das obras.

    Según adiantou Vázquez Almuiña, a superficie útil do Centro de Saúde incrementarase preto de 700 metros cadrados. O plan funcional de espazos do centro de saúde porriñés, contempla un incremento de superficie tanto na área de urxencias (PAC), como na área médica e pediátrica, adaptándose así as necesidades asistenciais e de persoal actuais e futuras do Concello do Porriño.

    En base ao devandito plan, a área médica incrementarase en preto de 190 m2 útiles, contemplando unha nova a consulta de medicina de familia, outra de pediatría, 1 sala de toma de mostras e unha consulta de matrona. Tamén contempla una sala de docencia e unha consulta de programa da muller.

    O Plan funcional de espazos inclúe unha área de fisioterapia de preto de 150 m2 útiles, mentres que o PAC verá ampliado a súa superficie en preto de 130 m2 útiles e dotarase con 2 novas consultas de medicina, 1 DUE e unha nova sala de observación, entre outros espazos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.