16.6 C
Pontevedra
Venres, 14 de Xuño de 2024
Máis
    HomeLouriñaO PorriñoA Feira do Libro de Galicia chega esta semana ao Porriño

    A Feira do Libro de Galicia chega esta semana ao Porriño

    As novidades editoriais volven saír ás rúas do Porriño para achegarlle á cidadanía o libro e a lectura.

    A Feira do Libro de Galicia, que percorre as catro provincias galegas, chega esta semana á vila do Louro con postos de venda de exemplares xestionados polos libreiros e unha extensa programación de actividades paralelas dirixidas a todas as idades, como charlas, encontros con autores, espectáculos infantís, presentacións de libros etc… que fan deste evento unha cita de alto interese cultural e social.

    A feira abrirá as súas portas o xoves 11 e extenderase ata o domingo 14 de maio. Será no  barrio de San Bieito, onde porriñeses e visitantes poderán disfrutar das propostas literarias das librarías participantes: Libraría Paz, Copi-Rey, Libraría Recondo, Libraría Pedreira, Libraría Uróboros e Deputación de Pontevedra.

    O acto de inauguración, contará coa porriñesa Dna. Casilda Eiriz Areán como pregoeira e dará o pistoletazo de saída a catro días de actividades.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.