O actual Programa Integrado de Emprego do Concello de Mos 3.0 (V Edición), subvencionado pola Consellería de Economía, Emprego e Industria da Xunta de Galicia, e promovido pola Concellería de Promoción económica, desenrolo empresarial e emprego do Concello de Mos que dirixe a edil Julia Loureiro, busca e estuda as mellores e máis eficaces estratexias de inserción laboral para os diferentes perfís profesionais do 100 usuarios/as participantes cos que conta.
Dado que o sector da limpeza está a ver incrementada exponencialmente a demanda de traballadores/as cualificados con motivo da actual crise sanitaria da Covid-19 (na que os labores de limpeza e desinfeccións son fundamentais e intensifícanse, multiplicándose en número e frecuencia), o Concello de Mos ven de poñer en marcha a través do seu V Programa Integrado de Emprego o curso para obter a acreditación oficial do certificado de profesionalidade en limpeza de superficies e mobiliario en edificios e locais.
O contido formativo do curso que está a ser impartido actualmente inclúe materias de: limpeza, tratamento e mantenemento de chans, paredes e teitos en edificios e locais; limpeza de mobiliario interior; limpeza de cristais en edifcios e locais; e técnicas e procedementos de limpeza con utilización de maquinaria.
A acción formativa inclúe tamén un módulo de prácticas profesionais non laborais no centro homologado de EDUCATIC.
Estanse a beneficiar deste curso un total de 15 alumnos e alumnas pertencentes ao V Programa Integrado de Emprego do Concello de Mos, entre os cales hai 14 mulleres e un home con idades comprendidas entre 40 os e os 60 anos.
O curso comezou o pasado 10 de agosto e prolongarase ata o 17 de outubro sumando un total de 230 horas, das cales 150 son teóricas e 80 horas de práctica en empresas.
