17.6 C
Pontevedra
Luns, 15 de Abril de 2024
Máis
    HomeLouriñaMosO Xeodestino presenta a Turismo de Galicia o seu Plan de Sostibilidade...

    O Xeodestino presenta a Turismo de Galicia o seu Plan de Sostibilidade Turística en Destino

    Representantes do Xeodestino reuníronse este luns con Nava Castro para trasladar o borrador dun plan comedido con propostas que contan cun marcado carácter gastronómico

    O Xeodestino Ría de Vigo e Baixo Miño segue traballando para presentar antes do 17 de maio a súa candidatura ao Plan de Sostibilidade Turística en Destino (PSTD), un instrumento financiado a través de fondos europeos Next Generation cos que dar pulo á transformación do territorio baseándose nun produto turístico sustentable.

    Nese camiño, o representante institucional do Xeodestino, o alcalde de Nigrán, Juan A. González; a presidenta da Asociación de Desenvolvemento Galicia Suroeste Eu Rural e rexedora de Tomiño, Sandra González; e a alcaldesa de Mos e o rexedor do Porriño, Nidia Arévalo e Alejandro Lorenzo, presentaron este luns á directora de Turismo de Galicia, Nava Castro, o seu borrador de PSTD, no que os 14 concellos do Xeodestino levan traballando de xeito conxunto “e investindo un grande esforzo para contar coa opinión tanto do sector público como das empresas nun proceso participativo fundamental para axustar as iniciativas á realidade do noso territorio”, como salientou o rexedor nigranés.

    Neste encontro no Pazo de Mos, o Xeodestino achegou a Turismo de Galicia un plan comedido, cun orzamento de 2,5 millóns de euros “axustado ao número de concellos e á poboación total do territorio que recolle accións coherentes coa estratexia do propio xeodestino e dan continuidade á traxectoria iniciada xa en 2019”. Sendo un dos xeodestinos máis turísticos de Galicia, o borrador presentado a Turismo de Galicia contempla unha candidatura complementaria aos Plans de Sostibilidade Turística en Destino aprobados o ano pasado para os concellos de Baiona e Oia con propostas dun marcado carácter gastronómico que vertebrarán as accións para un xeodestino tan heteroxéneo como o da Ría de Vigo e Baixo Miño.

    Juan A. González destacou “o gran potencial que ten o xeodestino no campo da enogastronomía, xa que contamos con zonas produtoras de gran relevancia, como pode ser o Baixo Miño, unha das despensas hortofrutícolas de Galicia; con dúas subzonas da DO Rías Baixas e con numerosas festas gastronómicas de interese turístico”.

    O Xeodestino afronta a candidatura cun plan que recolle o coñecemento e experiencia da propia entidade que lidera o PSTD, a Asociación de Desenvolvemento Galicia Suroeste Eu Rural, con gran coñecemento do tecido empresarial e de toda a cadea de valor enogastronómica, dende produtores a restaurantes, e que ten impulsado actividades de carácter gastronómico.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.