O Concello de Mos está a apostar forte este ano polo fomento do emprego dada a dura crise derivada da pandemia da Covid-19, como xa o fixera o pasado ano 2020; pero nesta ocasión intensificando aínda máis, se cabe, a aposta decidida pola promoción do emprego no municipio. E para elo destínanse varias subvencións de administracións supramunicipais (e solicítanse outras específicas), así como partidas de fondos propios á contratación de persoal para diferentes departamentos municipais.
En total contrátanse a 47 novos traballadores durante os vindeiros meses. Así o informaron hoxe a alcaldesa de Mos, Nidia Arévalo, e a concelleira de Persoal Promoción Económica, Desenvolvemento Empresarial e Emprego, Julia Loureiro.
Con cargo á liña 3 do Plan Concellos contrátanse a 16 traballadores que desenvolven tarefas de operario de limpeza viaria (2 traballadores), recolledor de residuos (4 traballadores), operario de mantemento de parques e xardíns (4 traballadores), peón de obras públicas (3 traballadores) e operario de mantemento de edificios deportivos (3 traballadores). A duración do contrato é de 6 meses a xornada completa e o proceso de selección atópase xa en marcha.
Tamén se atopan en proceso de selección as dúas mulleres vítimas de violencia de xénero que serán contratadas polo Concello de Mos ao abeiro da subvención autonómica da Secretaría Xeral da Igualdade, destinada ao fomento do emprego neste colectivo, que é un dos que máis está a sufrir esta pandemia e que, sobre todo, se viu afectado durante o perído do confinamento, por verse encerradas nos domicilios cos seus maltratadores.
Outro prodecemento de selección de persoal que se atopa desenvolvéndose nestes momentos é o de Auxiliares de Policía Local. En total contrataranse con fodos propios do Concello de Mos a 4 axuliares durante 6 meses. 2 dos Auxiliares de Policía comezarán a traballar o vindeiro mes de abril e os outros 2 empezarán en xullo.
Pola súa banda a semana que ven aprobarase en Xunta de Goberno Local o convenio coa Vicepresidencia primeira e Consellería de Presidencia, Xustiza e Turismo para a contratación de 6 operarios para Mos do novo GES Mos-Redondela.
Outras contratacións que se farán a través de subvencións da Xunta de Galicia son as do Aprol Rural, as de persoas preceptoras de RISGA e das brigadas contra incendios. A través do Fomento do emprego no medio rural (Aprol Rural) da Consellería de Economía, Emprego e Industria, contrataranse a 2 traballadores en postos de peón forestal durante 9 meses a xornada completa.
A contratación temporal de persoas en situación ou risco de exclusión social perceptoras da RISGA é subvencionada tamén pola Consellería de Economía, Emprego e Industria e o número de traballadores a contratar será de 5 para os postos de Auxiliar Administrativo (1), Peóns de obras públicas (2), e Operarios de limpeza (2) que traballarán durante 9 meses cunha xornada de traballo do 75 %.
Por último, con cargo ao Convenio interadministrativo subscrito entre a Consellería de Medio Rural e o Concello de Mos para a participación na prevención e defensa contra incendios forestais, contrataranse a 12 traballadores nos postos de Oficial 1ª conductor motobomba (7), Xefe de brigada (1) e Peóns (4). A duración do contrato é de 3 meses.
Neste senso a alcaldesa de Mos, Nidia Arévalo, e a concelleira de Persoal e Emprego declararon que “debido á situación de crise derivada da COVID-19 que nestes intres estamos vivindo, desde o Concello dámoslle prioridade ao emprego. Consideramos que o pensar e o sentir dos mosenses coincide con este razoamento, e ademáis co incremento de persoal continuamos a mellorar os servizos municipais para a ciudadanía, o que revirte nunha mellora da calidade de vida e do entorno da veciñanza mosense”.
