18.5 C
Pontevedra
Xoves, 20 de Xuño de 2024
Máis
    HomeLouriñaMosMos recibe o Entroido

    Mos recibe o Entroido

    A alcaldesa de Mos, Nidia Arévalo, e a concelleira de Cultura e Participación Cidadá, Sara Cebreiro, presentaron esta tarde a Programación do Entroido de Mos para este ano 2023.

    Anunciaron que o programa de actos comezará o venres 17 de febreiro co Festival de Entroido nos exteriores do Pazo de Mos a partir das 23:00 horas coas actuacións musicais de Los Lunes al Sol, Ging Toni´s e DJ Omy Cid.

    O luns 20 de febreiro celebrarase a Festa Infantil de Entroido no Multiusos das Pozas desde as 17:00 horas, contando coa Orquesta Ce Pantasma e Barafunda Animación.

    Desfile de comparsas

    Será o domingo 19 de febreiro pola Avenida de Sanguiñeda. Dará comezo ás 17:00 horas e o broche final poráo o concerto do grupo Girl’s Gang.

    As comparsas interesadas en participar no desfile teñen de prazo para inscribirse dende mañá mércores 1 ata o mércores día 15 de febreiro, ambos inclusive. O listado de comparsas admitidas será publicado o xoves día 16 de febreiro na web do Concello.

    O desfile divídese en DÚAS seccións: GRUPOS E COMPARSAS, dentro das comparsas 2 categorías (INFANTÍS, ata 12 anos, e ADULTOS, de 13 anos en adiante). Consideraranse dunha ou doutra categoría atendendo á porcentaxe de idade que teña maior número de compoñentes, como mínimo nun 60%.

    O xurado do concurso de comparsas estará formado por: dúas persoas do mundo do Teatro e o espectáculo. Unha persoa do mundo do deseño, a confección e a moda. Unha persoa do mundo do baile. Unha persoa do mundo da perruquería e maquillaxe. Presidido pola concelleira de Cultura do Concello de Mos. Secretaria do xurado: funcionario/a do Concello de Mos, que designe a Presidenta.

    Premios

    • Premio único ao mellor grupo: 200,00 €.
    • Grupos: de 15 a 25 compoñentes por participar: 200,00 €.

    Comparsas

    • De 26 a 40 compoñentes categoría infantil por participar: 300,00 €
    • Máis de 41 compoñentes categoría infantil por participar: 400,00 €
    • De 26 a 40 compoñentes categoría adulto por participar: 400,00 €
    • Máis de 41 compoñentes categoría adulto por participar: 500,00 €
    • Premio único á mellor comparsa infantil: 500,00 €
    • Premio único á mellor comparsa de adultos: 500,00 €
    • Mención especial á mellor carroza: 300,00 €
    • Mención especial ao mellor vestiario: 300,00 €
    • Mención especial animación: 300,00 €

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.