10.1 C
Pontevedra
Luns, 26 de Febreiro de 2024
Máis
    HomeLouriñaMosMos felicita ao seu veciño centenario da parroquia de Tameiga

    Mos felicita ao seu veciño centenario da parroquia de Tameiga

    Eladio Troncoso Rodríguez cumpre 100 anos

    A alcaldesa de Mos, Nidia Arévalo, e a concelleira da parroquia de Tameiga, Feli Rodríguez, achegáronse onte a felicitar polo seu aniversario ao veciño centenario Eladio Troncoso Rodríguez. Fixérono no seu domicilio en Tameiga, súa parroquia natal e onde leva vivindo os seus 100 anos de vida, e recibiunas acompañado dos seus fillos, Mara e Eladio, e o seu xenro, Suso.

    Eladio naceu un 30 de novembro de hai xa un século, e conta que a súa foi unha infancia complicada, pois corrían tempos difíciles, de posguerra.

    Dous dos seus irmáns emigraron a Arxentina pero el quedou en Tameiga, onde casou con Lola, tamén veciña da parroquia, coa que conviviu durante 70 anos. Lola faleceu hai 4 anos, coa idade de 90, e a súa perda é algo moi duro para Eladio, que non logra superar; pola inmensa ausencia que deixa a que foi a súa gran compañeira de vida.

    Lola foi de profesión mestra e xubilouse da súa carreira como docente no colexio mosense CEIP Mestre Valverde Mayo de Sanguiñeda. Pola súa banda Eladio exerceu de camioneiro durante toda a súa vida laboral.

    Ademais dos seus dous fillos Mara e Eladio, Eladio ten 3 netos e 3 bisnetos. E segundo comenta a súa filla Mara os máis cativos, os seus bisnetos, son os que máis ledicias lle dan a Eladio. “O que máis alegría lle aporta é ver chegar aos bisnetos”, di Mara Troncoso.

    Eladio é un dos 5 veciños centenarios cos que conta Mos nestes momentos. Dos 5, 3 deles teñen 100 anos, e os outros 2 teñen 102. Os centenarios de Mos son residentes nas parroquias de Tameiga, Pereiras, Mos e Dornelas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.