16.6 C
Pontevedra
Venres, 14 de Xuño de 2024
Máis
    HomeLouriñaMosMáis de 70 expositores e 1.700 asistentes no II FormaMOS

    Máis de 70 expositores e 1.700 asistentes no II FormaMOS

    Onte presentouse na Axencia de Colocación de Mos a II Edición da Mostra de Educación e Formación, FormaMOS, que este ano contará coa novidade da presenza e participación de Pedro García Aguado, medallista olímpico coa Selección Española de Waterpolo e que se fixo popular polo seu programa televisivo “Hermano Mayor”.

    Na presentación estiveron presentes, Nidia Arévalo, alcaldesa de Mos; Julia Loureiro, concelleira de Educación, Promoción Económica, Desenvolvemento Empresarial e Emprego; Xurxo Collazo Saavedra, director do IES de Mos; Rodrigo Salgado Pombo, director do Colegio Lar de Mos; e representantes do equipo directivo e docente do Obradoiro Municipal de Emprego, encargado do Marketing (Especialidade de Marketing Dixital) da Mostra e do deseño e elaboración dos stands de madeira da mesma (Especialidade de Carpintería). O director do Obradoiro é Víctor Ángel Varela Caride, o docente da Especialidade de Carpintería, é Pablo Maceda González e os docentes da Especialidade de Marketing Dixital son Antonio Riveiro Prego e Saúl Ferreira Rivera. Tamén asistiron os 20 alumnos/as traballadores/as do Obradoiro Muncipal de Emprego: 10 da Especialidade de Marketing Dixital e 10 da Especialidade de Carpintería.

    Na súa intervención Arévalo, rexedora local mosense, adicou un especial agradecemento á consellería de Cultura, Educación, Formación Profesional e Universidades polo gran apoio a esta 2ª Edición.

    A Mostra FormaMOS é unha gran oportunidade para coñecer de primeira man as posibilidades educativas máis actuais. Un escaparate formativo con demostracións en vivo e encontros con profesionais especializados en diferentes sectores.

    Terá lugar os vindeiros 30 e 31 de marzo (xoves e venres) en horario de 9.30 a 19.00h no Pavillón Óscar Pereiro. Irase actualizando información sobre a feira na páxina web e nas redes sociais: http://formamos.mos.es/ e Instagram @formamos_  e en Twitter @formamos_

    Xa se conta con máis de 1.700 asistentes confirmados e a participación de máis de 70 expositores de relevancia no sector da educación e formación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.