10.8 C
Pontevedra
Sábado, 2 de Marzo de 2024
Máis
    HomeLouriñaMosMáis de 100 persoas en 3 días reciben Coidados Porta a Porta...

    Máis de 100 persoas en 3 días reciben Coidados Porta a Porta en Mos

    Desde onte e ata mañá maiores de 55 anos teñen cita gratuíta para servizos de podoloxía, audioloxía e memoria

    O autobús de Coidados Porta a Porta chegou a Mos onte e estará ata mañá ao carón do Multiusos das Pozas para ofrecer servizos de podoloxía, audioloxía e estimulación da memoria aos maiores. En total atenderanse a 102 persoas nestes 3 días: 35 usuarios do servizo de podoloxía, 27 de memoria e 40 de audición.

    Esta mañá visitaron o bus no momento da súa apertura ao público o director xeral de Maiores e Persoas con Discapacidade, Fernando González Abeijón, e o xerente da Área Sanitaria de Vigo, Javier Puente, acompañados pola alcaldesa de Mos, Nidia Arévalo, e a concelleira de Política Social e Igualdade, Sara Cebreiro.

    O autobús de Coidados Porta a Porta regresará a Mos noutras 2 ocasións máis, dada a alta demanda e para que ninguén quede sen o servizo no que estaba interesado/a.

    Nel aténdese de maneira gratuíta ás persoas maiores de 55 anos en horario de 09.00 horas a 20.00 horas.

    O autobús de Coidados Porta a Porta, promovido pola Consellería de Política Social da Xunta de Galicia, ofrece servizos de podoloxía, audioloxía e estimulación da memoria ás persoas maiores da localidade de maneira gratuíta.

    O programa Coidados Porta a Porta, posto en marcha pola Consellería de Política Social, leva xa atendido a numerosas persoas en diferentes localizacións das catro provincias da xeografía galega.

    En cada un dos concellos polos que pasa, este autobús permanece tres días ofrecendo servizos destinados aos maiores de 55 anos.

    A Xunta de Galicia inviste 10 millóns de euros nesta iniciativa pioneira, que permite achegar a todos os galegos revisións e valoracións auditivas; atención podolóxica para prevención, diagnose e tratamento das principais patoloxías dos pés; e realización de probas de valoración cognitiva ou exercicios de estimulación para a prevención de Alzhéimer e outras demencias neurodexenerativas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.