13.3 C
Pontevedra
Domingo, 25 de Febreiro de 2024
Máis
    HomeLouriñaMosA Librería Arte Ciencia de Mos, súmase ao entroido co 'III Concurso...

    A Librería Arte Ciencia de Mos, súmase ao entroido co ‘III Concurso de disfraces literarios’

    A iniciativa, amais de ser unha actividade lúdica e divertida, é unha ferramenta de fomento da lectura

    Por terceiro ano consecutivo, a Librería Arte Ciencia, en Mos, súmase ao Entroido e o seu xa tradicional ‘Concurso de Disfraces Literarios Arte Ciencia’. O concurso nace coa vontade de realizar unha actividade que, non só anime a gozar desta festividade, senón que sirva como un incentivo de cara ao fomento da lectura.

    Os premiados recibirán lotes de libros das editoriais Anaya e Xerais, ademáis de diplomas, así como vales de desconto no caso dos finalistas. Ademais, o gañador ou gañadora do Premio do Xurado recibirá un trofeo ao mellor disfrace.

    A dinámica do concurso e sinxela; basta enviar unha fotografía a info@arteciencia.es co disfrace dun personaxe literario ou dun autor, que posteriormente se subirá a un álbum de fotos do concurso na páxina de Facebook da librería, onde poderá votarse.

    Dende a librería animan a participar, “non só aos nenos, senón tamén aos mozos, as familias e os grupos ou parellas que o desexen, xa que todas as propostas serán valoradas e optarán tanto ao premio do público como ao do xurado”. Poderase participar ata o día 1 de marzo, incluído; as bases pódense consultar na web da librería (www.arteciencia.es).

    Os organizadores salientan que grazas a este concurso “podemos descubrir moitos personaxes que quizais tiñamos asociados coa televisión ou o cine, pero que realmente son personaxes que naceron dun libro e que inspiraron a súa posterior adaptación ao audiovisual”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.