10.8 C
Pontevedra
Sábado, 2 de Marzo de 2024
Máis
    HomeLouriñaMos350 persoas participaron, a unha semana da etapa 20 de La Vuelta,...

    350 persoas participaron, a unha semana da etapa 20 de La Vuelta, no ‘Mos sobre rodas’

    Herville foi esceario dun evento deportivo previo á meta da principal competición ciclista nacional que acollerá o vindeiro sábado, 4 de setembro

    350 persoas participaron, a unha semana da etapa 20 de La Vuelta, no ‘Mos sobre rodas’. Entre elas a alcaldesa de Mos, Nidia Arévalo, o tenente alcalde, Camilo Augusto, o concelleiro de Deportes, José Areal, o edil de Medio Ambiente Sostible e Mocidade, Leo Costas, o concelleiro da parroquia de Cela, Gonzalo Alonso, a deputada autonómica, Feli Rodríguez; e usuarios e monitores de DisCamino.

    O Concello de Mos, en colaboración con La Vuelta 21, a Asociación Cultural e Social de Herville, e a Asociación Veciñal e Cultural Celado de Cela, organizou esta tarde unha nova iniciativa enmarcada dentro do programa municipal de actividades con motivo da etapa 20 Sanxenxo-Mos (Castro de Herville) que terá lugar o vindeiro 4 de setembro.

    Nesta ocasión trátase dun evento dirixido a todos os amantes do deporte sobre rodas, que puideron participar, tanto individualmente como en familia, no encontro ‘Mos sobre rodas’ que se celebrou a partir das 17.30 horas da tarde no Castro de Herville. O evento estaba pensado para públicos de todas as idades, que participen cos seus vehículos sobre rodas sen motor, tales como monopatíns, patíns, patinetes, bicicletas, triciclos… todas as alternativas eran posibles para unha tarde de lecer, deporte, música e cultura ao aire libre.

    A actividade consistiu nun circuito pechado para todo tipo de vehículos sen motor, marcha MBT para maiores de 12 anos, andaina, actuacións de Argonat Band, Grupo Infantil de Gaitas Nosa Terra de Pereiras, Banda de Gaitas de Herville, Grupo de Gaitas e Baile Celado; merenda popular a base de empanada, auga e refrescos; e un sorteo de agasallos de La Vuelta.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.