13.9 C
Pontevedra
Sábado, 22 de Xuño de 2024
Máis
    HomeBaixo MiñoTuiVisita guiada gratuíta á 'Ruta dos Pasos de Auga' en Ribadelouro, Tui

    Visita guiada gratuíta á ‘Ruta dos Pasos de Auga’ en Ribadelouro, Tui

    O Obradoiro de Emprego Percorre Tui deseñou dúas novas rutas no municipio a dos ‘Pasos da Auga’ e a de ‘Porta do río Tripes’ que poñen en valor o patrimonio natural e cultural do municipio e que en parte transcorren polo Camiño de Santiago. Para dalas a coñecer o Concello de Tui organiza dúas visitas guiadas gratuítas, o martes 13 e o xoves 22, a cargo do alumnado da especialidade de Promoción turística local e información ao visitante do obradoiro Percorre Tui.

    As dúas ruta teñen dificultade moderada polo que está recomendadas a partir dos 9 anos de idade. É preciso inscrición previa en cada unha deles no teléfono 986 60 38 58 ou no correo obradoiropercorretui@gmail.com

    A primeira das visitas guiadas á Ruta dos Pasos de Auga realizarase o próximo martes, 13 de agosto, ás 18:30 h, con saída do Centro Cultural de Ribadelouro. Trátase dun percorrido circular cunha distancia aproximada de 8 quilómetros e dificultade moderada con valor patrimonial e natural. A duración estimada é de dúas horas e media.

    Este roteiro dos Pasos da Auga é unha das nova rutas establecidas polo obradoiro de emprego Percorre Tui. Transcorre pola parroquia de Ribadelouro tomando o seu nome das construción tradicionais de pedra que cruzan ríos e regatos e que se coñecen precisamente como “Pasos da auga”. No traxecto da rota pásase por lugares coma a ponte de Orbenlle, o lavadoiro e a fonte da Matanza, polas ruínas do muíño de Vides, o paso de Betate que no inverno permite sortear o regato Folón nas crecidas, a mina de Roque construída para o regadío, e que durante a guerra se empregou coma pasadizo. Outro dos puntos por onde pasa a rota é a igrexa parroquial de Santa Columba do século XVIII, de onde parte o vía Crucis, formado por un conxunto de 10 cruces, que remata no Calvario da Magdalena. Tamén parte da ruta transcorre polo un tramo do Camiño Portugués a Santiago.

    Cómpre salientar amais que o percorrido conta con gran valor natural formando xa que parte do territorio que percorre forma está integrado no LIC Gándaras de Budiño e na Rede Natura 2000, polo que no percorrido poderanse ver distintas especies coma alisos ou salamandras.

    A segunda visita guiada á ruta Porta do río Tripes vaise realizar o xoves, 22 de Agosto, ás 18:30 h partindo da praza de San Fernando. Este roteiro ten por obxectivo unir o centro histórico da cidade co Parque Natural de Monte Aloia. Parte da praza de San Fernando para realizar un percorrido circular de 11 quilómetros. No mesmo percórrese parte da ruta xudía e o conxunto histórico, chega ata a ruta do muíños do río Tripes, formada por 22 muíños, sobe ata o Alto do Coello en Randufe, achégase á vella Ponte Internacional, punto de entrada dos peregrinos dende Portugal a Galicia, e polo Arrabal de Freanxo regresa ata a Catedral.

    Tanto o roteiro dos Pasos da Auga do próximo martes 13, coma o da Porta do río Tripes do xoves 22, serán guiados polos alumnos-traballadores do Obradoiro de Emprego.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.