10.6 C
Pontevedra
Mércores, 28 de Febreiro de 2024
Máis
    HomeBaixo MiñoTuiVeciños de Valenzuela, Córdoba, realizarán este xoves unha alfombra de serraduras na...

    Veciños de Valenzuela, Córdoba, realizarán este xoves unha alfombra de serraduras na Corredoira

    Un grupo de case cen veciños e veciñas do municipio cordobés de Valenzuela ,que están realizando o Camiño de Santiago, confeccionaran unha alfombras de flores ao longo da mañá deste xoves, 25 de agosto, no céntrico paseo da Corredoira fronte á Oficina Municipal de Turismo.

    A vila de Valenzuela foi convidada a formar parte da Comisión Xestora de Entidades Alfombristas do Camiño de Santiago; pois este municipio ten na festa do Corpus Christi un elemento diferenciador que encerra en si mesmo a súa principal característica, o deseño dunha alfombra de serraduras multicolor de centos de metros que enche as rúas da poboación na mencionada festividade.

    De tal modo, e cando desde Valenzuela se organiza  unha viaxe a terras galegas para realizar o Camiño de Santiago, pretenden realizar en cada localidade do seu percorrido un acto cultural co cal establecer un achegamento a estes municipios galegos tendo en común o mundo das alfombras.  Así realizarán unha réplica a pequena escala dunha das alfombras típicas daquela vila andaluza nun lugar emblemático da cidade de Tui, como é o Paseo da Corredoira. Unha iniciativa que tamén chegará a San Román de Retorta, Melide, Sarria, Arzúa e O Pedrouzo ata chegar a Santiago de Compostela.

    O alcalde de Valenzuela, Antonio Pedregosa apunta que  esta proposta enmárcase no seu continuo compromiso coa difusión das nosas tradicións, levando as súas alfombras a cidades que, por diversas circunstancias conforman un enclave destacado no Camiño e que do mesmo xeito que Valenzuela tamén posúen unha tradición de realizar alfombras de flores na festividade do Corpus Christi.

    O alcalde accidental de Tui, Rafael Estévez, congratúlase desta iniciativa do municipio de Valenzuela que achegará ata Tui esta singular tradición cultural, que suscitará o interese de veciños e peregrinos, contribuíndo ao mutuo coñecemento das nosa localidades.

    Esta previsto que arredor das 9,30 horas inicie este grupo de veciños de Valenzuela o proceso de confección da alfombra de serraduras multicolor que contan ter culminado arredor das 13.30 horas. A esa hora está previsto que realice unha visita a esta alfombra o alcalde accidental, Rafael Estévez, xunto a outros membros da Corporación Municipal tudense.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.