18.2 C
Pontevedra
Luns, 17 de Xuño de 2024
Máis
    HomeBaixo MiñoTuiTui repartirá 81 composteiros individuais entre a veciñanza que o solicite

    Tui repartirá 81 composteiros individuais entre a veciñanza que o solicite

    Na aposta que pola reciclaxe do lixo que se realiza dende o Concello de Tui, e grazas á participación no programa Revitaliza da Deputación, vanse repartir 81 composteiros individuais de exterior, COINEX, e un aireador, entre aqueles veciños e veciñas que así o soliciten.

    Os interesados deberán cubrir o modelo de solicitude, que poderán descargar da web tui.gal ou recoller na secretaría da casa do concello, e remitila ao correo electrónico comunicacion@tui.gal ou entregala na casa do concello.

    Os composteiros entregaranse por orde de solicitude até completar o total dos 81 dispoñibles.

    Os beneficiarios recibirán unha charla sobre o uso e durante os dous primeiros anos serán supervisados no seu funcionamento.

    Estes composteiros están destinados a espazos de horta e xardín, son sinxelos de instalar, teñen unha estética axeitada, permiten controlar as condicións de humidade e temperatura e permiten obter compost entre seis meses e un anos.

    Previa a entrega do COINEX os beneficiarios recibirán unha pequena charla onde se lles explicará o lugar máis axeitado para colocalos, que tipo de restos se poden depositar, como se debe depositar o material, que é o estruturante, … Amais durante os dous primeiros anos levarase a cabo un labor de supervisión do emprego correcto do composteiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.