23 C
Pontevedra
Sábado, 20 de Abril de 2024
Máis
    HomeBaixo MiñoTuiTui remata o programa de maiores «Mareas de Coñecemento»

    Tui remata o programa de maiores «Mareas de Coñecemento»

    A iniciativa, na que participaron 20 persoas, estivo organizada polo Concello de Tui e a Universidade de Vigo

    Esta semana rematou o programa de maiores «Mareas de coñecemento» impartido na cidade de Tui froito da colaboración entre o Concello tudense e a Universidade de Vigo. As persoas participantes valoraron positivamente esta actividade na que se combinou a teoría e a práctica. Así puideron coñecer un pouco máis sobre a historia de Tui e realizar un percorrido polo conxunto histórico, tamén tiveron a oportunidade a aprender sobre hábitos saudables e realizaron a senda do Lagartón.

    A parte final do programa estivo dedicada ás novas tecnoloxías centrándose no uso e configuración de teléfonos móbiles, e no manexo de aplicacións coma o whatsapp, facebook, calendarios de vacinacións, ou de contaxe de pasos.

    O alcalde de Tui, Enrique Cabaleiro, e a concelleira de Formación e Emprego, Ana Mª Núñez, asistiron o luns á clausura desta programa. Alí as persoas asistentes lles transmitiron o positivo da actividade realizada, ao tempo que demandaron outras iniciativas destas características, que amais de ampliar os seus coñecementos, lles permiten tamén sociabilizar e adquirir novas experiencias.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.