18.2 C
Pontevedra
Luns, 17 de Xuño de 2024
Máis
    HomeBaixo MiñoTuiTui inicia o proceso para a lista de reserva de prazas de...

    Tui inicia o proceso para a lista de reserva de prazas de administrativo/a

    Até o 8 de outubro pódense presentar as solicitudes para participar no proceso selectivo para a formación dunha lista de reserva para o nomeamento interino de prazas de administrativo convocado polo Concello de Tui. O anuncio da convocatoria deste proceso selectivo ven hoxe publicado no BOPPO e iniciase o prazo de 10 días para a presentación de instancias.

    As persoas interesadas en participar neste proceso selectivo deben estar en posesión do título de Bacharel, técnico ou equivalente. Deben ingresar na conta da Tesourería do Concello de Tui, durante o prazo de presentación de instancias, o importe en concepto de dereitos de exame que ascende a 7,75 €.

    O proceso selectivo contará dunha fase de oposición na que os aspirante deberán realizar un primeiro exercicio, obrigatorio e eliminatorio, consistente en contestar por escrito un cuestionario, tipo test, de 50 preguntas con respostas alternativas baseadas no contido do programa anexo á convocatoria.

    Haberá un segundo exercicio, obrigatorio e eliminatorio, de carácter práctico que consistirá na redacción dun ou varios supostos prácticos de carácter procedemental e administrativo. Este exercicio deberá ser lido obrigatoriamente ante o tribunal. Haberá un terceiro exercicio sobre coñecemento do idioma galego, que os e as aspirantes en posesión do CELGA IV non estará obrigados a realizar.

    Na segunda fase de concurso teranse en conta os méritos presentados polas persoas aspirantes relativos a formación académica, formación específica na que se valorarán os cursos de formación e perfeccionamento que versen sobre materias directamente relacionadas coas funcións propias do posto de traballo ao que se aspira, incluídos os cursos de coñecemento do idioma galego, e a experiencia profesional.

    As bases completas desta convocatoria pódense consultar na web municipal tui.gal onde está dispoñible o impreso de solicitude, ou tamén nesta ligazón.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.