17.7 C
Pontevedra
Xoves, 23 de Maio de 2024
Máis
    HomeBaixo MiñoTuiO operativo especial da Policía Local, co gallo do 25 de xullo,...

    O operativo especial da Policía Local, co gallo do 25 de xullo, sáldase con dous condutores sancionados por condución temeraria

    Outro condutor será investigado coma presunto autor dun delito contra a seguridade vial

    A Policía Local de Tui desenvolveu esta fin de semana un operativo de control e vixilancia do tráfico con motivo da festividade do 25 de xullo.

    No operativo, iniciado o sábado pola mañá, os axentes interceptaron a un condutor que circulaba realizando trompos no terreo da nova ubicación do mercado semanal. Procederon a sancionalo por condución temeraria.

    Por outra parte no servizo nocturno os axentes da Policía Local de Tui, detectaron a un condutor que circulaba co permiso de condución retirado por perda total dos puntos, e por conducir baixo a influencia de bebidas alcohólicas. Por este feitos o condutor será investigado coma presunto autor dun delito contra a seguridade vial.

    Horas máis tarde a Policía Local recibiu o  aviso dun veciño tras rexistrarse un accidente de circulación na rúa Calvo Sotelo. O condutor do vehículo implicado deu positivo en drogas e estupefacientes.

    Por último, o domingo a primeira hora da mañá os axentes da Policía Local interceptaron a un vehículo que realizara unha arrancada na rúa Augusto González Besada, a carón das dependencias policiais. Procederon a súa denuncia administrativa por alcoholemia tras dar positivo na proba, e denuncia por condución temeraria.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.