Este sabado 19, o local Amazonas de Tui, celebra a Festa do Orgullo, cunha serie de actividades durante toda a fin de semana. As actividades comezarán xa ás 20:00 horas do sábado coa charla coloquio sobre Identidade Sexual que correrá a cargo de «Pvlse Vigo» moderada por Daniel Pregal e Daniela Ledo. Nesta conversa aberta, as e os asistentes poderán preguntar aos relatores todas aquelas dúbidas ou cuesións de interese sobre identidade sexual.
A partir das 21 horas, Pvlse Vigo instalará unha mesa no local cunha campaña de prevención de ETS, co reparto gratuíto de profilacticos, folletos e información.
Xa a partir das 23 horas, haberá actuación de Drags, cócteis, Dj Chiruka no mesmo local, nunha actividade coordinada por Elektra e o propio local Amazonas.
O domingo durante a session vermut, EUFORIA FTA (Familias Trans Aliadas) organizan un contacontos para os máis novos. Dende Pvlse Vigo faise un chamamento á toda a cidadanía a participar “nesta festa e xornada de visibilización”.
