18.9 C
Pontevedra
Mércores, 22 de Setembro de 2021
Máis
    HomeBaixo MiñoTuiEmpresas e profesionais da música de Galicia e Portugal tenden novas pontes...

    Empresas e profesionais da música de Galicia e Portugal tenden novas pontes no MUMI, do 9 ao 11 de setembro

    Ademais de 18 showcases, o Encontro Profesional das Músicas no Minho programa faladoiros, encontros e debates na Eurocidade Tui-Valença.

    Os dereitos das artistas, as diversas formas de apoio á cultura, o papel das salas de concertos e dos festivais, ou o asocianismo na xestión cultural serán algún dos temas que aborden os faladoiros programados polo MUMI 2021. Do 9 ao 11 de setembro a Eurocidade Tui-Valença acolle o Encontro Profesional das Músicas no Minho, cun programa completo que xa se pode consultar en mumimusicas.eu.

    Ademais das actividades profesionais que discorrerán na Escola Superior de Ciências Empresariais de Valença, moita música ao vivo con dezaoito showcases nos 3 días e dous concertos moi especiais: a Orquestra Galego Portuguesa de Liberación o 9 de setembro en Tui, e Galandum Galundaina e Uxía o 11 de setembro en Valença como peche do MUMI. Patrocinado pola Eurocidade Tui-Valença, tamén apoian o MUMI 2021 a Direção Regional de Cultura do Norte e a Xunta de Galicia así como a Fundação GDA, Fundación SGAE, Deputación de Pontevedra, Bodegas Martín Códax, Gadis e Mel: Piquenique das artes!

    Empresas de produción e management, responsables de programacións musicais, xestores e técnicos de cultura, xornalistas e artistas están convidados a inscribirse no MUMI 2021 a través da súa páxina web mumimusicas.eu. A actividade na Zona PRO, instalada na Escola Superior de Ciências Empresariais de Valença, botará a andar o xoves 9 de setembro con dous faladoiros: “Dereitos de autoría e dereitos das artistas” (12:45 GZ, 11:45 PT) e “O asociacionismo na xestión cultural” (16:00 GZ, 15:00 PT). Así mesmo o venres 10 están previstos tres faladoiros: “Festivais: creando experiencias arredor da música” (11:00 GZ, 10:00 PT), “Diferentes fórmulas de apoio á cultura” (12:45 GZ, 11:45 PT)) e “As salas de concertos, un referente no sector” (16:00 GZ, 15:00 PT). Durante as mañás do 9 e 10 de setembro as persoas asistentes terán oportunidade de participar en speed meetings que servirán para poñer en contacto a profesionais e empresas que operan en Galicia e Portugal.

    A Zona Pro do MUMI 2021 tamén acollerá a exposición “cantáMOLA en galego (2000-2020)”, unha mostra itinerante que amosa a variedade de estilos, formacións e solistas que compoñen o panorama musical en galego a día de hoxe. Os profesionais que participen no MUMI poderán achegarse, a través desta mostra, a referentes na canción de autoría, do pop máis intimista ao rock máis contundente, da electrónica á música infantil, agrupados en catorce roll-ups e co acceso a unha listaxe de reprodución en Spotify e unha canle de Youtube con vídeos de mostra. “cantáMOLA en galego (2000-2020)” é unha exposición cedida polo Concello de Pontevedra e que está promovida pola súa Concellaría de Normalización Lingüística. Dous destacados xornalistas musicais, Pepe Cunha e Teresa Cuiñas comisarian os contidos desta exposición con deseño e produción de Capicúa e que conta cunha cunha unidade didáctica preparada pola escritora Rosalía Fernández Rial.

    18 showcases, especiais ao vivo e sesión Duendeneta

    A organización do MUMI abre boa parte da actividade do encontro á cidadanía en xeral, con showcases localizados en espazos patrimoniais emblemáticos de Valença como a Fortaleza coas Cortinas de São Francisco ou a Fonte da Vila, e de de Tui como a Praza de San Fernando presidida pola Catedral ou o Paseo da Corredoira. Os showcases programados de bandas e artistas de Galicia e Portugal serán a columna vertebral do MUMI 2021 e boa parte deles ábrense á asistencia do público xeral. Familia Caamagno, Magín Blanco e A banda das apertas, Oîma, Os d’Abaixo , O Sonoro Maxín, Pálida, Pulpiño Viascón, Silvia Penide e Xacobe Martínez Antelo Quinteto conforman a relación dos showcases galegos. No caso de Portugal, as bandas seleccionadas son tamén nove: Barry White Gone Wrong, Cassete Pirata, Conjunto!Evite, emmy Curl, Jorge da Rocha, José Valente, Káustika, TAKATUM apresenta Ah!Ah!Ah! e The Guit Kune Do. O MUMI 2021 tamén será escenario da estrea absoluta da Orquestra Galego-Portuguesa de Liberación o xoves 9 no concerto de apertura en Tui e dos espectáculos de Galandum Galundaina e Uxía o sábado 11 en Valença como peche desta edición. A organización do MUMI indica que nos concertos abertos ao público a entrada en gratuíta con acceso por orde de chegada e recollida de datos das persoas asistentes.

    A animación nas rúas será unha parte importante do MUMI, que incorpora ao seu programa aberto a discoteca móbil vintage “La Duendeneta: os camiños das músicas galegas”, que aparcará na Corredoira en Tui o sábado 11 (19:00 GZ, 18:00 PT). O xornalista musical Carlos Crespo, cunha experiencia de máis de 20 anos na difusión da cultura desde diversos medios de comunicación, trae a súa furgoneta Avia de 1974 ao MUMI para ofrecer un percorrido atemporal e sen complexos polos últimos 50 anos da música en galego, desde Andrés do Barro até Tanxugueiras. Esta sesión didáctica da coñecida music-truck, viaxa pola historia da música galega desde os pioneiros até o día de hoxe e inclúe un código QR a través do que poder escoitar unha lista de reprodución de catro horas con todos os artistas citados no proxecto.

    XOVES 9 SETEMBRO

    • VALENÇA
      • 10.30 PT/11:30gz. EXPOSICIÓN DE MÚSICA EN GALEGO DO S. XXI: “cantáMOLA en galego”. Zona PRO (Valença)
      • 11:45 PT/12.45 GZ: FALADOIRO Dereitos de autoría e dereitos das artistas. Zona PRO
      • 12:00 PT/13:00 GZ. SHOWCASE José Valente, Auditório Zona PRO
      • 12:45 PT/13:45 GZ. Acto de benvida. Zona PRO
      • 15:00 PT/ 16.00 GZ. SHOWCASE The Guit Kune Do. Auditório Zona PRO
      • 15:00 PT/16:00 GZ FALADOIRO O asociacionismo na xestión cultural. Zona PRO
      • 16:30 PT/ 17:30 GZ.. SHOWCASE. Oîma. Fonte da Vila (Valença)
    • TUI
      • 19:30 GZ / 18:30 PT. SHOWCASE Cassete Pirata. Praza de San Fernando (Tui)
      • 20:15 GZ /19:15PT, SHOWCASE O Sonoro Maxín. Praza de San Fernando (Tui)
      • 21.30 GZ / 20.30PT. Orquestra Galego-Portuguesa da Liberación, Concerto de Apertura, Paseo da Corredoira, Tui
      • 23:30 GZ/22:30 PT. Pálida. Espazo Off (Tui).

    VENRES 10 SETEMBRO

    • TUI
      • 19:30 GZ /18:30 PT SHOWCASE Silvia Penide. Praza de San Fernando (Tui)
      • 20:15 GZ / 19:15 PTSHOWCASE. Barry White Gone Wrong. Paseo da Corredoira (Tui)
      • 21:00 GZ/20:00 PT SHOWCASE Conjunto! Evite. Praza de San Fernando (Tui)
      • 21:45 GZ/ 20:45 PT, Familia Caamagno. Paseo da Corredoira (Tui)
      • 23:00 GZ/22:00 PT emmy Curl. Espazo Off (Tui)

    SÁBADO 11 DE SETEMBRO

    • 12:00 GZ/11:00 PT. SHOWCASE. TAKATUM presenta Ah!Ah!Ah! Praza de San Fernando (Tui)
    • 12.45 GZ/11:45 PT. SHOWCASE MAGÍN BLANCO E A BANDA DAS APERTAS. Praza de San Fernando (Tui)
    • 15:00 PT/ 16:00 GZ.SHOWCASE KÁUSTIKA. Fortaleza (Valença)
    • 15:45 PT/16:45 GZ. SHOWCASE. Pulpiño Viascón. Fortaleça (Valença)
    • 19:00 GZ/18:00PT La Duendeneta: Os Camiños das Músicas Galegas. Paseo da Corredoira (Tui)
    • 21:00 PT/22:00 GZ. Galandum Galundaina + Uxía. Concerto de clausura, Cortinas de São Francisco (Valença)

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS