17.6 C
Pontevedra
Luns, 15 de Abril de 2024
Máis
    HomeBaixo MiñoTuiA Xunta inviste na recuperación de catro inmobles adquiridos en Tui

    A Xunta inviste na recuperación de catro inmobles adquiridos en Tui

    A Xunta investirá case 2 millóns de euros na recuperación de catro inmobles adquiridos en Tui ao abeiro do programa Rexurbe para habilitar oito vivendas protexidas.

    A conselleira de Medio Ambiente, Territorio e Vivenda, Ángeles Vázquez, acompañada polo delegado territorial da Xunta en Pontevedra, Luis López, e os antigos propietarios das vivendas, anunciou esta mañá que a Xunta vén de escriturar a adquisición de tres inmobles –o primeiro, localizado na esquina entre Lorenzo Cuenca e Bispo Castañón, o segundo, o número 42 da rúa Lorenzo Cuenca; e por último, o número 44 en San Telmo, tamén coñecida como Casa do Taboado- por un importe de 202.000 euros dentro da oferta pública de 2021.

    Vázquez Mejuto recordou que en Tui xa se adquirira un inmoble na rúa Bispo Castañón, 20 por un importe de 100.000 euros e nos que -tras as obras de rehabilitación, por un investimento estimado de case 820.000 euros- se habilitarán catro vivendas. De feito, avanzou que no mes de maio o IGVS prevé adxudicar a redacción do proxecto de rehabilitación, licitado por 58.000 euros.

    Así, a Xunta reserva un orzamento de case 2 millóns de euros na adquisición e rehabilitación destes catro inmobles, que -segundo afirmou a conselleira- poderán ser máis tendo en conta que o caso histórico de Tui é un ámbito incluído na oferta de adquisición de 2022, para o que se reservan 200.000 euros.

    Nese sentido, lembrou e invitou aos propietarios de inmobles localizados no Casco histórico de Tui, así como na Cidade Vella e o eixo Orzán-Panaderas da Coruña (1 M€), dentro histórico de Ourense (0,4 M€), Ferrol Vello (0,2 M€), e o centro histórico de Ribadeo (0,2 M€), a presentar as súas ofertas, antes do 15 de xullo.

    Área Rexurbe

    A conselleira de Medio Ambiente, Territorio e Vivenda destacou que unha das razóns polas que se incluíu Tui na oferta de 2022 é por contar cunha Área Rexurbe -figura recollida na Lei de rehabilitación- declarada en xullo de 2021.

    Trátase dun ámbito que suma máis de 135.000 m2, que abarca o conxunto histórico declarado BIC e tamén outras zonas como o Paseo da Corredoira, Bispo Lago e Martínez Padín-N550.

    A conselleira invitou aos responsable do Concello a presentar o Plan de dinamización, que é o instrumento no que se coordinan as actuacións -públicas e privadas- coas que acadar unha rexeneración -máis alá da rehabilitación- deste ámbito, para completar o traballo que está a realizar o Goberno galego.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.