13.6 C
Pontevedra
Domingo, 9 de Maio de 2021
Máis
    HomeBaixo MiñoTuiA Banda de Música Popular de Tui lamenta que o Concello impídalles...

    A Banda de Música Popular de Tui lamenta que o Concello impídalles ensaiar no Conservatorio Municipal onde o facían dende hai 18 anos

    A banda lembra que foi unha das impulsoras para que hoxe Tui conte hoxe en día cun conservatorio de música profesional, instalacións que agora se lle negan para realizar os seus ensaios

    A Banda de Música Popular de Tui vén de facer público un comunicado no que expresa o seu “malestar e descontento” co Goberno Municipal e co Conservatorio e Escola de Música Municipal de Tui, tras “a súa negativa constante nos últimos meses de ensaiar no Conservatorio Municipal, lugar onde levabamos 18 anos desenvolvendo a nosa actividade”.

    No seu escrito, a Banda de Música explica que logo de ser chamados por estas institucións “para a retirada dos trofeos acadados durante a nosa longa traxectoria musical”, este xoves día 17 de setembro do 2020, recibiron unha chamada do director do Conservatorio, na que lles esixía retirar todo o material –cadeiras, material de percusión, etc.–, “cousa que nunca se nos notificou por parte do concello”, afirman no seu comunicado. Ante esta situación, engaden, “vémonos na obriga de gardar o noso material en diversas casas particulares dos compoñentes da agrupación, sen contar o gasto económico que supuxo desprazar todo ese material”.

    Dende a volta á ‘nova normalidade’, a Banda de Música Popular de Tui nunca tivo a ocasión de volver a utilizar o local de ensaio e aseguran que, durante ese tempo, sempre buscouse o diálogo co Concello para buscar unha solución ao problema, “sen acadar resposta nin preocupación algunha”.

    “A premisa dada para a entrega das chaves foron as recomendacións sanitarias ante a Covid-19, pero non temos moi claro a finalidade desta decisión, xa que dende hai tres meses a Banda de Música está realizando ensaios no pavillón de deportes de Guillarei, ocupado actualmente polo Colexio, con todo o protocolo sanitario establecido pola Xunta e sen ter ningún contratempo ata a data” o que leva á directiva da Banda a pensar que “foi só unha escusa, xa que sempre estivemos dispostos a tomar as medidas adecuadas para que non houbera ningún tipo de problema (desinfectar as zonas utilizadas, ensaiar ao aire libre, grupos reducidos…) ensaiando no propio conservatorio”.

    A directiva da agrupación musical cualifica de “incrible” ter que abandonar o lugar onde realizan as súas actividades o Conservatorio e a Escola de Música Municipal de Tui, “cando foi precisamente a Banda de Música Popular de Tui quen impulsou e deu os primeiros pasos para que Tui teña hoxe un conservatorio de música profesional”, lembran dende a propia banda de música.

    Aproveitan a ocasión para expersar a súa “admiración” polo que consideran “magnífica xestión que se está levando a cabo nos concellos veciños coas súas respectivas bandas, servindo como exemplo neste caso o Concello de A Guarda, O Rosal, Tomiño, Salceda de Caselas… nos cales apostan por unha cultura local segura”.

    Con todo, a Banda de Música Popular de Tui segue aberta ao diálogo “para chegar a unha solución na que poidamos continuar realizando a nosa actividade con toda normalidade” e agradecen a mostras de apoio que teñen recibido por parte da veciñanza “moi importante nestes momentos tan complicados para a cultura”.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS