16.6 C
Pontevedra
Venres, 14 de Xuño de 2024
Máis
    HomeBaixo MiñoTui“2023 A Odisea Tudense” gañadora do desfile concurso de Entroido en Tui

    “2023 A Odisea Tudense” gañadora do desfile concurso de Entroido en Tui

    Miles de persoas ateigaron onte pola tarde as rúas novas de Tui para presenciar o desfile-concurso de Entroido que volveu con todo o seu esplendor nunha tarde na que o corido, a imaxinación, a sátira, o humor, as coreografías luciron ao longo do percorrido.

    “2023 A Odisea Tudense” da charanga Cantos Somos foi a gañadora na categoría absoluta cunha parodia sobre as obras actuais en Tui e os problemas de circulación.  Outra sátira local neste caso sobre a lentitude das obras que unen Malvas e Tui da comparsa “Construccións Mal-Vas” da Asociación Cultural e Recreativa Arume de Malvas levou o segundo premio na categoría absoluta. O terceiro premio foi para a recreación do campo eléctrico do século XIX realizado pola Asociación Cultural de Mañufe, Gondomar, titulada “Pouca Corrente”.

    A “Picoñasa” da Asociación Cultural En Loureiro coma Sempre cunha recreación da Nasa foi a gañadora do cuarto premio, e “Rock In Soutelo – Las leyendas nunca mueren” da Asociación Cultural O Borralliño de Soutelo  foron levaron o quinto premio. Tamén na categoría absoluta foron premiadas a comparsa “Yo no soy tu reina. Esto es Esparta” da Asociación Comparsa Terra de Condes co sexito premio, e “Egypto” da Asociación Cultural de Pontellas co sétimo.

    En carrozas as gañadoras foron “Pouca Corrente” da Asociación Carnavales de Mañufe co primeiro premio, “Picoñasa” da Asociación En Loureiro coma sempre” co segundo, “2023 Odiesa Tudense” da Charanga Cantos Somos co terceiro, “Egypto” da Asociación Cultural de Pontellas co cuarto, “Hindús” da Asociación Pandilla” co quinto, e por último “Xeada en Parada” da Asociación Cultural Parada do Miñor levou o sexto premio.

    En acompañamento musical “2023 Odisea Tudense” levou o primeiro premio, seguda de “Construccións Mal-Vas” co segundo e “Picoñasa” co terceiro.

    Por último, na categoría de fantasía, a gañadora foi a comparsa Terra de Condes de Gondomar con “Yo no soy tu reina. Esto es Esparta”.

    Amais, o xurado concedeu unha mención especial á Asociación Cultural Paradela pola participación interxeneracional na comparsa “Grease”.

    O Entroido despedirase en Tui o vindeiro domingo co Enterro do Bacallau.

    Gañadores Absolutos

    1. “2023 A Odisea Tudense” da Charanga Cantos Somos
    2. “Construccións Mal-Vas” da Asociación Cultural Arume de Malvas
    3. “Pouca Corrente” da Asociación Carnavales de Mañufe
    4. “Picoñasa” da Asociación En Loureiro coma Sempre
    5. “Rock in Soutelo.  Las leyendas nunca mueren”  da Asociación Cultural O Borralliño-Soutelo
    6. “Yo no soy tu reina. Esto es Esparta” da Asociación Comparsa Terra de Condes
    7. “Egypto” da Asociación Cultural de Pontellas

    Gañadores Carrozas

    1. “Pouca Corrente” da Asociación Carnavales de Mañufe
    2. “Picoñasa” da Asociación En Loureiro coma Sempre
    3. “2023 A Odisea Tudense” da Charanga Cantos Somos
    4. “Egypto” da Asociación Cultural de Pontellas
    5. “Hindús” da Asociación A Pandilla
    6. “Xeada en Parada” da Asociación Cultural Parada do Miñor

    Gañadores Acompañamento Musical

    1. “2023 A Odisea Tudense” da Charanga Cantos Somos
    2. “Construccións Mal-Vas” da Asociación Cultural Arume de Malvas
    3. “Picoñasa” da Asociación En Loureiro coma Sempre

    Gañadores Fantasía

    1. “Yo no soy tu reina. Esto es Esparta” da Asociación Comparsa Terra de Condes

    Mención especial

    1. “Grease”  da Asociación Cultural Paradela.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.