Unha veciña de Tomiño foi asistida tras resultar ferida cunha máquina de espigas

O suceso producíase en Taborda, parroquia de Amorín

Recibíuse o aviso de que os servizos sanitarios de urxencia atenderon o sábado pola tarde a unha muller que resultou ferida mentres manexaba unha máquina de espigas, en Tomiño. Segundo os datos facilitados ao 112 Galicia, a persoa ferida foi liberada polos familiares ao quedarlle atrapada unha man na máquina.

Os feitos ocorreron en Taborda, na parroquia de Amorín, ás sete horas da pasada tarde. Nese momento, o 112 Galicia recibía a alerta do sucedido a través da chamada dun particular.

Decontado, o persoal do Centro Integrado de Atención ás Emerxencias de Galicia puxo a situación en coñecemento de Urxencias Sanitarias de Galicia-061, dos Bombeiros do Baixo Miño, do GES da Guarda, dos axentes da Garda Civil e dos membros de Protección Civil da localidade.

Finalmente, a persoa ferida foi atendida polos equipos de emerxencia e trasladada a un centro médico polos profesionais sanitarios.