9 C
Pontevedra
Xoves, 29 de Febreiro de 2024
Máis
    HomeBaixo MiñoTomiñoO IES Antón Alonso Ríos fomenta a investigación co seu I Congreso...

    O IES Antón Alonso Ríos fomenta a investigación co seu I Congreso Científico

    Organizado por e para o alumnado, celebrarase do 7 ao 10 de xuño cun amplo programa de actividades

    O IES Antón Alonso Ríos continúa a dar pasos para proporcionar ao alumnado un espazo motivador onde o alumnado poida compartir os seus intereses. Con ese obxectivo celebra do 7 ao 10 de xuño o seu I Congreso Científico, un encontro organizado por e para o alumnado no que poderán presentar os traballos científicos realizados durante o curso, xerando debate e experiencias motivadoras que fomenten a investigación e as vocacións científicas.

    O congreso, coa saúde e a sostibilidade como eixo condutor, contará tamén cun completo programa de actividades con conferencias, talleres e comunicacións a cargo de persoeiros e entidades de grande relevancia no mundo científico e na contorna. Así, a conferencia inaugural o 7 de xuño será a cargo de Xurxo Mariño, divulgador científico especialista en neurociencia con numerosos premios ás súas costas polo seu papel divulgador e concienciador.

    O mércores 8 a Organización Nacional de Transplantes dará unha conferencia antes de abrir a quenda de comunicacións e presentacións dos póster científicos realizados polo alumnado, momento no que poderán amosar o traballo desenvolvido ao largo do curso. O xoves 9 a Asociación Vontade de Tomiño impartirá un taller de saúde mental e o destacado ilustrador Suso Cubeiro un obradoiro de debuxo científico. O programa pecharase o 10 de xuño coa conferencia da bióloga e investigadora Marisa Castro, que falará sobre os cogomelos, a microbiodiversidade e a conservación de especies.

    “Para o Concello é un orgullo ter un IES tan implicado co futuro do noso municipio e un alumnado innovador, con inquietudes e intereses capaz de esforzarse para poñer en marcha un congreso deste calibre. Moitos parabéns a todos e todas por unha iniciativa que sen dúbida fará que rapaces e rapazas se acheguen á ciencia dun xeito diferente, ameno e divertido, espertando novas vocacións”, salienta a alcaldesa, Sandra González.  

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.