15.5 C
Pontevedra
Sábado, 22 de Xuño de 2024
Máis
    HomeBaixo MiñoOiaConcerto de Lucía Pérez e A Roda este venres en Oia

    Concerto de Lucía Pérez e A Roda este venres en Oia

    O casco histórico de Oia encherase de música a noite deste venres 16 de agosto co concerto gratuíto A Roda da Igualdade, un proxecto no que a artista Lucía Pérez e o grupo A Roda queren amosar exemplos de música popular con discursos alonxados do discurso machista e misóxino e amosando un novo imaxinario e un novo discurso: o da igualdade.

    O concerto reunirá á cantante galega Lucía Pérez, representante de España no Festival de Eurovisión de 2011, e máis ao coñecido grupo de música tradicional A Roda. Xuntos ofrecerán un espectáculo a partires das 23.00 horas do venres no adro da igrexa parroquial de Oia, preto do Mosteiro.

    No concerto, organizado polo Concello de Oia e coa colaboración de Política Lingüística da Xunta, haberá un espazo con cadeiras para que as persoas do público que o desexen poidan gozar do espectáculo sentadas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.