13.7 C
Pontevedra
Sábado, 18 de Maio de 2024
Máis
    HomeBaixo MiñoO RosalO Rosal acollerá un curso sobre a comercialización de produtos de horta...

    O Rosal acollerá un curso sobre a comercialización de produtos de horta ecolóxica

    A Consellería do Medio Rural, a través da Axencia Galega da Calidade Alimentaria (Agacal), celebrará o vindeiro xoves, 7 de outubro, no concello do Rosal un curso sobre a comercialización de produtos de horta ecolóxica. Esta formación terá lugar no espazo de autoarranxo (ao carón do Centro Público Integrado Manuel Suárez Marquier) en horario de 9:00 a 14:00 horas e de 16:00 a 18:00 horas.

    O obxectivo principal da xornada é dar a coñecer as novas tendencias e demandas deste mercado, ademais de axudar a comprender as posibilidades de comercialización dos produtos ecolóxicos de horta a través de novas canles. Tamén se abordará o novo regulamento de produción ecolóxica, así como aspectos relativos á comunicación ambiental destes alimentos en relación cos novos desafíos produtivos, como son o cambio climático e o quecemento global. A acción formativa finalizará cunha visita a unha cooperativa agraria da zona.

    A xornada está dirixida en xeral a persoas vinculadas profesionalmente coa agricultura, a gandería, a industria agroalimentaria e o sector forestal ou con expectativas de incorporación, en especial mozos e mozas do rural galego.

    A Agacal, a través da formación non regrada e dentro do Plan de formación continua 2021, pretende contribuír á consecución do aumento da competitividade do sector agrícola e forestal tanto a nivel técnico como económico mediante a oferta de cursos coma este.

    Cómpre lembrar que a Consellería do Medio Rural conta cun plan de accións formativas e de transferencia para este ano 2021 que poden consultarse no seguinte enlace: https://ovmediorural.xunta.gal/gl/consultas-publicas/accions-formativas. Precisamente nesta páxina pode atoparse o referido curso e descargar a solicitude de asistencia correspondente, que debe remitirse cuberta ao enderezo electrónico   ramon.jesus.lamelo.otero@xunta.gal. Os interesados en obter información adicional poden chamar ao teléfono 981 540 282.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.