17.6 C
Pontevedra
Luns, 17 de Xuño de 2024
Máis
    HomeBaixo MiñoO RosalO Rosal, A Guarda e Tomiño solicitarán ao Goberno o recoñecemento das...

    O Rosal, A Guarda e Tomiño solicitarán ao Goberno o recoñecemento das propiedades veciñais da liña de costa

    As comunidades de montes denuncian que o Estado está a realizar unha “confiscación encuberta das terras comunitarias”

    A alcaldesa de O Rosal, Ánxela Fernández; a tenente de alcalde da Guarda, Montserrat Magallanes, e a alcaldesa de Tomiño, Sandra González, acordaron, tras unha reunión coas comunidades de montes dos tres municipios, esixir ao Goberno de España as modificacións lexislativas necesarias para o recoñecemento das propiedades veciñais da liña de costa por parte do Estado.

    O Concello do Rosal levará a pleno este xoves 29 de xullo (20.00 h, no Centro Social Polivalente) unha moción conxunta para poñer de manifesto que os montes veciñais en man común son lexítimas titularidades da veciñanza comuneira e solicitar ao goberno os cambios na regulación.

    Esta solicitude é produto das denuncias dos comuneiros após que o Catastro remitiralles varias cartas para advertir que a titularidade desas propiedades corresponde á Administración do Estado. As comunidades de montes avisan que se está a realizar unha “confiscación encuberta das terras comunitarias”.

    O Estado ampara esta actuación ao amparo do artigo 9 da lei de Costas que di “que dentro da demarcación marítimo-terrestre, non poderán existir territorios de propiedade distinta da demanial do Estado”, pero para os comuneiros esta interpretación non é correcta. Consideran que a natureza colectiva das terras comunitarias está protexida pola lei de Montes Veciñais, e non deben ser tratadas como as propiedades privadas.

    Recollidas estas denuncias, esta moción conxunta recolle solicitar ao Estado a modificación do artigo 9 da lei de Costas, no que se inclúa que as titularidades comunitarias poidas existir nas demarcacións marítimo-costeiras, e a modificación do artigo 388 do Código Civil para que se recoñeza aos montes veciñais á par dos bens de dominio público e privado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.