13.7 C
Pontevedra
Sábado, 18 de Maio de 2024
Máis
    HomeBaixo MiñoO RosalÉxito de participación na Feira do Libro do Rosal

    Éxito de participación na Feira do Libro do Rosal

    Grande éxito de participación e vendas na renovada edición da Feira do Libro do Rosal celebrada este ano despois de tres anos de parón por mor da pandemia. Literatura e lecer déronse cita na Praza do Calvario nunha feira que contou cunha grande afluencia de público a pesar do mal tempo que acompañou durante o evento, que obrigou a trasladar stands e actividades aos soportais e no salón de exposición do Concello e o concerto do cantautor Luis Pastor ao auditorio municipal.  

    No Mercado de segunda man participaron sete asociacións rosaleiras: Agrupación Musical do Rosal, Asociación Ghorghalado, Asociación de Maiores, San Xerome Emiliani, a ANPA do CRA María Zambrano, Ecos do Folón e CONRAZONES. Todas elas levaron un amplo catálogo de títulos recollidos dos fondos das propias asociacións ou a través dos seus socios e socias para achegar ao público. En total vendéronse 615 libros de diferentes xéneros e temáticas. Ademais, tamén se venderon 270 flores entre unidades soltas e pequenos ramos.

    A alcaldesa do Rosal, Ánxela Fernández Callís, amosouse moi satisfeita cos resultados obtidos na feira, destacando o traballo e dedicación de todas as persoas que fixeron posible a organización e o desenvolvemento do evento e agradecendo a participación de todos os rosaleiros e rosaleiras “que gozaron dunha xornada de lecer e achegaron o seu gran de area para que os libros non queden gardados nun andel, senón que teñan unha segunda, terceira ou cuarta vida”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.