29.7 C
Pontevedra
Mércores, 6 de Xullo de 2022
Máis
    HomeBaixo MiñoO RosalA segunda fase das obras EP-3303 entre Tabagón e Goián

    A segunda fase das obras EP-3303 entre Tabagón e Goián

    As obras para mellorar a mobilidade peonil da EP-3303 entre Tabagón e Goián, no concello do Rosal, avanzan ao ritmo esperado e está a piques de rematar. Así o anunciou a presidenta de Deputación de Pontevedra, Carmela Silva, nunha vista realizada para coñecer o estado da intervención xunto á alcaldesa do Rosal, Ánxela Fernández, na que, ademais, informou da posta en marcha da segunda fase da mesma, que chegará ata o P.Q. 3+600 cun orzamento de 795.872 €. Crear un espazo no que peóns e vehículos poidan convivir en harmonía é o obxectivo destas obras. Trátase, en palabras de Carmela Silva, dunha infraestrutura “que vai dar resposta ás demandas da veciñanza de ter espazos seguros polos que camiñar, así como a unión de dous concellos cunha profunda relación histórica”. Nesta liña tamén falou a alcaldesa do Rosal, que destacou que esta obra camiña cara á construción “dun concello na que as persoas sexan o centro”, para o que é vital a colaboración da Deputación.

    Ademais, esta actuación vén de recibir para a súa primeira fase unha importante subvención de 472.623 €, o 73 % do custe total, que ascende aos 650.444 €, do Instituto para a Diversificación e o Aforro da Enerxía (IDAE) no marco do Programa Operativo FEDER de crecemento sostible 2014-2020. Como explicou Carmela Silva, recibir esta subvención do IDAE  é un recoñecemento de que “estamos facendo as cousas ben, é dicir, aquelo que demanda a Unión Europea”, pois tras recibir os fondos europeos refinánciase a parte restante (177.822 euros) que asumen Deputación e Concello cos mesmos criterios de reparto do convenio orixinal.

    Desta maneira, o organismo provincial asumirá o 80%, é dicir, 142.257 euros, mentres que o 20% restante, 35.564 euros, correrá a cargo do Concello.  Con este novo reparto sobre a mesa, o Concello do Rosal aforra 94.525 euros dos 130.088 que aportara nun inicio. Destes máis de 90.000 euros aforrados, a Deputación devolveralle ao Concello 53.598 euros. O resto (40.927 €) son os fondos pertencentes ao Plan Concellos 2020, que a entidade local poderá dedicar a outros investimentos.

    As obras desta primeira fase abranguen os primeiros 1,8 km dos 4,5 que ten a estrada. Como parte das actuacións, estase a ampliar a plataforma de circulación ata un ancho de 9,10 metros e situando unha senda peonil na marxe dereita, ou unha zona de convivencia peonil naquelas zonas nas que no hai espazo suficiente, como a contorna do Centro Rural Agrupado (CRA) María Zambrano. Ademais, están a instalarse redutores de velocidade, renóvase a rede de drenaxe e se fai a canalización subterránea para a futura renovación do alumeado público. Por outro lado, reducirase a velocidade máxima a 30 km/h, se ben baixará a 20 km/h na zona da escola unitaria. Todas estas actuacións levarán parella unha redución do consumo de enerxía final do 9,2%, así como do 9,6% en canto a emisións.

    Con este proxecto o que se busca é recuperar espazos para as persoas e fomentar a mobilidade sostible, nunha zona na que o tráfico rodado é intenso mais tamén hai unha importante mobilidade peonil de veciños que van a Tomiño, así como peregrinos que fan o Camiño Portugués pola Costa. Carmela Silva destacou, ademais, “o compromiso que están tendo os concellos da provincia con este cambio de modelo para construír unha axenda urbana e rural na que a xente sexa dona dos espazos”.

    Segunda fase

    A segunda fase das obras, para a que xa está redactada o convenio e sacarase a licitación en canto estea aprobado, actuarase no seguinte tramo, ata o punto quilométrico 3+600 para crear itinerarios peonís continuos na totalidade da zona. Neste días enviarase o convenio ao Concello, para aprobar un orzamento de 795.872 euros que estará cofinanciado ao 80% – 20% entre Deputación e o Concello.

    O prazo de execución desta obra é de dez meses e contempla varias actuacións. Por unha banda, no tramo da Igrexa de San Bartolomeu de Eiras executarase unha zona de convivencia sobreelevada con prioridade peonil, mentres que no resto deseñaranse sendas peonís desagregadas dos vehículos. Tamén se renovará a capa de rodaxe e de pavimento de formigón con bandas de pedra na zona de convivencia con redutores de velocidade e pasos sobreelevados. Ademais de mellorar a mobilidade peonil, na segunda fase das obras da EP-3303 executaranse redes soterradas de recollida de augas pluviais con cunetas transitables e de alumeado con arquetas para a futura colocación de farois.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS