Últimos días para inscribirse no Mercado de Nadal 2020 da Guarda

O Concello da Guarda organiza o Mercado de Nadal do 4 de decembro de 2020 ao 5 de xaneiro de 2021 coincidindo coa campaña de comercio e cultural adicada ao Nadal. Este mercado está destinado a artesáns e produtores coma por exemplo produtos de horta ou alimentación. Tamén pode participar o comercio local da Guarda e a súa contorna.

Os interesados e interesadas poden consultar as bases de participación nesta ligazón e ter en conta que o prazo para a inscrición remata este venres 20 de novembro.

O procedemento é a través do rexistro municipal presentando unha instancia xeral coa indicación de ‘Mercado de nadal’ cos datos de contacto, descrición dos produtos á venda e copia da documentación en vigor.

O número de postos é reducido polo que se vai establecer unhas quendas dependendo do número total de interesados. O reparto destas quendas realizarase por sorteo entre os profesionais que cumpran os requisitos solicitados.